Былога падпалкоўніка міліцыі з Іўя будуць судзіць за перавышэнне ўлады. Яму пагражае да 10 гадоў
Былога падпалкоўніка міліцыі Пятра Будзько, які ўдзельнічаў у 2020 годзе ў пратэстах, будуць судзіць за перавышэнне ўлады (ч. 3 арт. 426 КК). У канцы мінулага года ён быў арыштаваны на 32 сутак, паведамляе тэлеграм-канал «Позірк».
«Пасля падзей у Мінску зразумеў, што ў краіне не стала закона. Накрыла крыўда за дзяржаву. Пачаў выходзіць разам з гараджанамі на плошчу ў Іўі, патрабаваў ад уладаў і дэпутата аднаўлення законнасці, спынення гвалту — прыцягнення вінаватых да адказнасці», - распавёў былы сілавік у лютым 2021 года.
Што вядома пра справу
— Будзько адслужыў у міліцыі больш за 20 гадоў. Завяршыў службу ў Карэлічах (Гродзенская вобласць) намеснікам начальніка РАУС.
— У снежні 2020 года быў арыштаваны на 32 дні (за ўдзел у несанкцыянаваным масавым мерапрыемстве).
— Будзько затрымалі 20 жніўня мінулага года. Дома і на лецішчы ў яго правялі ператрусы, канфіскавалі тэхніку.
— Зараз яму пагражае да 10 гадоў пазбаўлення волі.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі16
Каментары