Jość roznyja typy sudnaŭ: vajennyja, turystyčnyja, hruzavyja. Jany mohuć mieć rozny pamier i kanstrukcyju, ale ž u bolšaści ź ich — spod čyrvony. Nižniuju častku korpusa sudnaŭ časta farbujuć u čyrvony koler. Navošta?
Raniej karabli budavali z dreva. U mory na dnišča sudna nalipała stolki maluskaŭ, što karabiel prasiadaŭ. Vodaraści i nasiakomyja psavali dreva.
Ciapier kruiznyja, hruzavyja i vajennyja sudny robiać ź mietału, jamu nasiakomyja nie pahroza. Ale ž marskija arhanizmy ŭsio roŭna prymacoŭvajucca da sudnaŭ i zapavolvajuć ich ruch. A zapavolvańnie ruchu pavyšaje raschod paliva. U płanietarnym maštabie heta — ahromnyja straty.
U staražytnyja časy korpus sudnaŭ ababivali miedździu, i tady marskija stvareńni da jaho ŭžo nie lipli. Ciapier ža jość bolš technałahičnyja rašeńni. Siarod ich — śpiecyjalnaja farba, u składzie jakoj — aksid miedzi. Pry pakajovaj tempieratury hetaja farba nabyvaje čyrvony koler, adsiul i čyrvonaja afarboŭka častki korpusaŭ sudnaŭ. Cikava, što ciapier technałohii dazvalajuć vyrablać farby z aksidam miedzi luboha koleru, ale ž tradycyjna dnišča robiać mienavita čyrvonym.
Takoj farby na sudnie chapaje na dva-try hady. Jana pavolna zmyvajecca z korpusa, rečyvy z utrymańniem miedzi vymyvajucca.
U apošnija hady stvoranyja i bolš tryvałyja farby dla takich metaŭ, ich vyrablajuć na bazie tefłonu ci kremniju.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary