Nacyjanalnaja akcyjaniernaja kampanija «Naftahaz Ukrainy» zakryła svajo pradstaŭnictva ŭ Biełarusi.
Jak paviedamili BiełaPAN u pres‑słužbie kampanii, vykanańnie funkcyj pradstaŭnictva «Naftahazu» piarojdzie da pradstaŭnictva kampanii «Ukrtranshaz».
Adpaviednaje rašeńnie ŭchvaliła praŭleńnie NAK «Naftahaz Ukrainy» ŭ metach «aptymizacyi pracy» kampanii.
Biełaruskaje pradstaŭnictva «Ukrtranshazu» płanujecca adkryć najbližejšym časam. Dazvoł na jaho adkryćcio ŭžo atrymany ad Ministerstva zamiežnych spraŭ Biełarusi.
U pres‑słužbie «Naftahazu» paviedamili, što supracoŭniki kampanii «Ukrtranshaz» na pastajannaj asnovie pracujuć na pryhraničnych hazaraźmierkavalnych stancyjach u Kobrynie (Bresckaja vobłaść) i Mazyry (Homielskaja). Jany kantralujuć abjom i jakaść pryrodnaha hazu, jaki pastaŭlajecca ŭ adpaviednaści z kantraktam pamiž «Naftahazam Ukrainy» i rasijskaj kampanijaj «Hazprom» ab tranzicie rasijskaha hazu pa terytoryi Ukrainy. Adnak u suviazi z tym, što ŭ zakanadaŭstva Biełarusi ŭniesieny źmieny, jakija abmiažoŭvajuć znachodžańnie zamiežnych hramadzian na terytoryi krainy da 90 dzion u hodzie, kiraŭnictva «Ukrtranshazu» paličyła metazhodnym adkryć u Biełarusi svajo pradstaŭnictva. Na zamiežnych hramadzian, jakija pracujuć u Biełarusi ŭ zarehistravanych pradstaŭnictvach, hetyja abmiežavańni nie raspaŭsiudžvajucca.
Pradstaŭnictva NAK «Naftahaz Ukrainy» było adkryta ŭ Minsku 20 vieraśnia 2007 hoda. Kiraŭnik pradstaŭnictva Alaksandr Sidarčuk tady paviedamiŭ BiełaPAN, što ŭ «Naftahazu Ukrainy» jość «cikavyja napracoŭki» z «Biełtranshazam» u halinie transparciroŭki i zachoŭvańnia hazu, jakija ažyćciaŭlajucca ŭ ramkach vykanańnia miždziaržaŭnych pahadnieńniaŭ pamiž Ukrainaj i Biełaruśsiu. «Ukraina zacikaŭlena ŭ pavieličeńni prapusknoj zdolnaści hazapravodaŭ, jakija iduć pa terytoryi Biełarusi na terytoryju Ukrainy», — skazaŭ Sidarčuk.
Pavodle nieaficyjnaj infarmacyi, zapłanavanyja prajekty tak i nie ŭdałosia realizavać.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich3
Kamientary