Hienštab USU: Zachoŭvajucca prykmiety hatoŭnaści kiraŭnictva Biełarusi da ŭdziełu ŭ vajnie na baku Rasii
Biełaruskija vojski, sabranyja pablizu miažy z Ukrainaj, pierahrupavanyja i pryviedzienyja ŭ bajavuju hatoŭnaść. Mahčymy ich udzieł u vajnie na baku Rasii, adnak bolšaść vajskoŭcaŭ suprać. Tak śćviardžaje Hienštab Uzbrojenych siłaŭ Ukrainy.
U dzionnaj apieratyŭnaj zvodcy Hienštab Ukrainy paviedamiŭ, što rasijskija vojski praciahvajuć nastupleńnie pry padtrymcy avijacyi i vysokadakładnaj zbroi. Ich asnoŭnyja namahańni pa-raniejšamu skancentravanyja na stvareńni ŭmoŭ dla zachopu Kijeva, Charkava, Čarnihava, Sumaŭ, Maryupala, Mikałajeva i vychadu na miežy Łuhanskaj i Danieckaj abłaściej.
«U toj ža čas, zachoŭvajucca prykmiety hatoŭnaści vajskova-palityčnaha kiraŭnictva Biełarusi da mahčymaha šyrokamaštabnaha ŭdziełu Uzbrojenych siłaŭ Biełarusi ŭ bajavych dziejańniach suprać Ukrainy na baku Rasii. Praviedziena častkovaje pierahrupavańnie suchaputnych vojskaŭ i siłaŭ śpiecyjalnych apieracyj Respubliki Biełaruś».
U pryvatnaści, paviedamlaje ŭkrainski Hienštab, u rajonie Bresta znachodzicca pa adnoj bataljonna-taktyčnaj hrupie (BTH) sa składu 38-j asobnaj desantna-šturmavoj bryhady (Brest) i 103-j pavietrana-desantnaj bryhady (Viciebsk). U rajonie Alaksandraŭki (rajon punkta propusku na miažy z Kijeŭskaj vobłaściu) — dźvie BTH 38-j asobnaj desantna-šturmavoj bryhady; u rajonie Kirava (Paleski radyjacyjny zapaviednik) — dźvie BTH 103-j pavietrana-desantnaj bryhady (usie hetyja vojski adnosiacca da SSA).
«Zhadanyja padraździaleńni pieraviedzienyja ŭ vyšejšuju stupień bajavoj hatoŭnaści, ale maralna-psichałahičny stan asabistaha składu źjaŭlajecca vielmi nizkim. Bolšaść vajskoŭcaŭ infarmavanyja ab budučych dziejańniach i nie žadajuć vajavać na baku Rasii», — śćviardžaje Hienštab USU.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary