Rasijskija vojski skinuli bombu na Śviatahorskuju łaŭru na Danieččynie
12 sakavika ŭ 22.00 rasijskija vojski nanieśli avijaŭdar pa Śviata-Uśpienskaj Śviatahorskaj łaŭry ŭ Danieckaj vobłaści. Avijacyjnaja bomba vybuchnuła za 50 mietraŭ ad masta, jaki złučaje pravy i levy bierah raki Sievierski Daniec, što znachodzicca la ŭjezdu ŭ Śviatahorskuju łaŭru.
Padčas bajoŭ u horadzie Śviatahorsku Danieckaj vobłaści 12 sakavika paškodzili pamiaškańnie Uśpienskaj Śviatahorskaj łaŭry, dzie znachodzilisia manachi i biežancy. Vybityja dźviery i šyby, jość paranienyja, paviedamlaje sajt Ukrainskaj pravasłaŭnaj carkvy.
«Jak adznačyli ŭ Śviatahorskaj łaŭry, 12 sakavika padčas abstrełu horada z-za vybuchu vybuchovaha prystasavańnia kala manastyra ad vybuchovaj chvali było paškodžana pamiaškańnie łaŭry, dzie žyli bracii manastyra i šmatlikija biežancy».
Amal usie vokny byli vybityja, budynki razburanyja ŭ roznaj stupieni.
Niekalkich paranienych dastavili ŭ balnicu ŭ Śviatahorsk, astatnija prachodziać lačeńnie ŭ manastyry. Zabitych niama.
U noč z 12 na 13 sakavika ŭsich uciekačoŭ i bratoŭ evakujavali ŭ manastyrskija padvały.
Ciapier u Śviatahorskaj łaŭry znachodzicca 520 uciekačoŭ, u tym liku 200 dziaciej.
Kiraŭnictva Łaŭry paviedamlaje, što na terytoryi manastyra i horada vajskovych farmavańniaŭ nie było.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary