12 сакавіка ў 22.00 расійскія войскі нанеслі авіяўдар па Свята-Успенскай Святагорскай лаўры ў Данецкай вобласці. Авіяцыйная бомба выбухнула за 50 метраў ад маста, які злучае правы і левы бераг ракі Северскі Данец, што знаходзіцца ля ўезду ў Святагорскую лаўру.
Падчас баёў у горадзе Святагорску Данецкай вобласці 12 сакавіка пашкодзілі памяшканне Успенскай Святагорскай лаўры, дзе знаходзіліся манахі і бежанцы. Выбітыя дзверы і шыбы, ёсць параненыя, паведамляе сайт Украінскай праваслаўнай царквы.
«Як адзначылі ў Святагорскай лаўры, 12 сакавіка падчас абстрэлу горада з-за выбуху выбуховага прыстасавання каля манастыра ад выбуховай хвалі было пашкоджана памяшканне лаўры, дзе жылі браціі манастыра і шматлікія бежанцы».
Амаль усе вокны былі выбітыя, будынкі разбураныя ў рознай ступені.
Некалькіх параненых даставілі ў бальніцу ў Святагорск, астатнія праходзяць лячэнне ў манастыры. Забітых няма.
У ноч з 12 на 13 сакавіка ўсіх уцекачоў і братоў эвакуявалі ў манастырскія падвалы.
Цяпер у Святагорскай лаўры знаходзіцца 520 уцекачоў, у тым ліку 200 дзяцей.
Кіраўніцтва Лаўры паведамляе, што на тэрыторыі манастыра і горада вайсковых фармаванняў не было.
Загінуў беларускі добраахвотнік Васіль «Дзір» Рапіцкі11
Каментары