U abnoŭleny śpis sankcyj ZŠA trapiła žonka Alaksandra Łukašenki, ź jakoj jon nie žyvie amal 30 hadoŭ
Halina Radyjonaŭna Łukašenka — adzinaja aficyjnaja žonka Alaksandra Łukašenki, jakuju jon nie staŭ zabirać z saboj u Minsk sa Škłoŭskaha rajona ŭ 1994 hodzie, kali staŭ prezidentam, ale aficyjna i nie razvodziŭsia. Jana maci jahonych starejšych synoŭ Viktara i Dźmitryja.
Pierad vybarami CVK apublikavaŭ dekłaracyju Haliny Radyjonaŭny. Dachod žonki Łukašenki za 2019 hod skłaŭ 5560 biełaruskich rubloŭ, heta piensija i prybytak ad akcyj.
Žančynie naležyć žyły dom płoščaj 196 kv. m u Škłovie, pałova doma płoščaj 54 kv. m u Škłoŭskim rajonie i ziamielny ŭčastak.
Taksama Halina Łukašenka vałodaje 56 akcyjami Škłoŭskaha masłarobnaha zavoda.
Bolš biełarusaŭ, akramia Haliny Łukašenki, u novym sankcyjnym śpisie niama, ale jość 8 vysokapastaŭlenych rasijskich siłavikoŭ.
Pa Łukašenku ž, jaki byŭ u śpisach i raniej, źjavilisia ŭdakładnieńni. Pieraličanyja ažno 38 roznych varyjantaŭ napisańnia jahonych proźvišča, imia i imia pa baćku.
Kamientary