Premjer-ministr Polščy Matevuš Maraviecki anansavaŭ pakiet «antypucinskich mier». Jany buduć uklučać skaračeńnie ekanamičnaha ŭzajemadziejańnia z Rasijaj, a taksama padtrymku polskaha biznesu, paviedamlaje reform.by.
«My budziem zajmacca derusifikacyjaj polskaj i jeŭrapiejskaj ekanomiki, bo siońnia Polšča taksama znachodzicca ŭ avanhardzie krain, jakija vystupajuć za admovu ad zaležnaści ad rasijskaha hazu, nafty i vuhalu», — skazaŭ jon na siońniašniaj pres-kanfierencyi.
Polšča budzie vystupać za spynieńnie ekanamičnaha supracoŭnictva z Rasijaj. Pakiet mier praduhledžvaje antyinflacyjnyja kroki, zachavańnie pracoŭnych miescaŭ, padtrymku kampanij, jakija pakul jašče pracujuć z Rasijaj. Urad zabiaśpiečyć padtrymku ahraryjam u častcy zakupki ŭhnajeńniaŭ. Fiermiery atrymajuć dapłatu ŭ 500 złotych na hiektar vornaj ziamli i 250 złotych na hiektar łuhoŭ i pašy. Padobnaje rašeńnie pavinna atrymać adabreńnie Jeŭrakamisii.
Maraviecki taksama ŭskładaje nadziei na hazapravod i terminał ZPH u Śvinauści, jakija dazvalajuć admovicca ad rasijskich enierharesursaŭ. Mahutnaści terminała buduć pavialičanyja, źjavicca novy terminał u Hdańsku.
Premjer pryznaŭ, što admova ad rasijskich enierharesursaŭ budzie mieć svaju canu, ale jon upeŭnieny, što kraina hatovaja jaje zapłacić.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski21
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary