Прэм'ер-міністр Польшчы Матэвуш Маравецкі анансаваў пакет «антыпуцінскіх мер». Яны будуць уключаць скарачэнне эканамічнага ўзаемадзеяння з Расіяй, а таксама падтрымку польскага бізнэсу, паведамляе reform.by.
«Мы будзем займацца дэрусіфікацыяй польскай і еўрапейскай эканомікі, бо сёння Польшча таксама знаходзіцца ў авангардзе краін, якія выступаюць за адмову ад залежнасці ад расійскага газу, нафты і вугалю», — сказаў ён на сённяшняй прэс-канферэнцыі.
Польшча будзе выступаць за спыненне эканамічнага супрацоўніцтва з Расіяй. Пакет мер прадугледжвае антыінфляцыйныя крокі, захаванне працоўных месцаў, падтрымку кампаній, якія пакуль яшчэ працуюць з Расіяй. Урад забяспечыць падтрымку аграрыям у частцы закупкі ўгнаенняў. Фермеры атрымаюць даплату ў 500 злотых на гектар ворнай зямлі і 250 злотых на гектар лугоў і пашы. Падобнае рашэнне павінна атрымаць адабрэнне Еўракамісіі.
Маравецкі таксама ўскладае надзеі на газаправод і тэрмінал ЗПГ у Свінаусці, якія дазваляюць адмовіцца ад расійскіх энергарэсурсаў. Магутнасці тэрмінала будуць павялічаныя, з'явіцца новы тэрмінал у Гданьску.
Прэм'ер прызнаў, што адмова ад расійскіх энергарэсурсаў будзе мець сваю цану, але ён упэўнены, што краіна гатовая яе заплаціць.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць5
Каментары