Znaj našych!

Biełaruskaja kamanda zaniała 2‑ie miesca ŭ miedalnym zaliku na čempijanacie śvietu pa viesłavańni na bajdarkach i kanoe, jaki zaviaršyŭsia 16 žniŭnia ŭ Kanadzie (Halifaks).

Biełaruskija vieślary zavajavali 7 załatych madaloŭ.

Stolki ž u aktyvie zbornaj Hiermanii, jakaja, akramia taho, atrymała jašče 8 siarebranych i 3 bronzavyja ŭznaharody. U dziesiatku lepšych uvajšli taksama spartsmieny Vienhryi — 5 załatych, 4 siarebranyja i 2 bronzavyja miedali, Ispanii (2, 1, 1), Rasii (1, 5, 3), Francyi (1, 2, 5), Italii (1, 1, 1), Azierbajdžana (1, 1, 1), Polščy (1, 1, 0) i Kanady (1, 0, 3). Usiaho miedalistami stanavilisia atlety 22 krain.

U bałavym zaliku biełaruskaja družyna zaniała 9‑ie miesca siarod 63 krain (319 bałaŭ). Napieradzie zbornyja Vienhryi — 684, Hiermanii — 681 i Kanady — 593.

U alimpijskich dyscyplinach biełarusy na 12‑j pazicyi (135 ačkoŭ). U liderach tut Hiermanija (323), Vienhryja (293) i Ispanija (252). U niealimpijskich dyscyplinach Biełaruś na 8‑m miescy (184 ački). Napieradzie Vienhryja (391), Hiermanija (358) i Kanada (349).

Adnak pa efiektyŭnaści biełaruskaja kamanda stała ledź nie lepšaj na suśvietnym pieršynstvie, bo pa kolkaści spartsmienaŭ jana prymietna ŭstupała mnohim zbornym, da taho ž była pradstaŭlena pieravažna tolki ŭ mužčynskich spabornictvach.

Nahadajem imiony biełaruskich tryumfataraŭ čempijanatu śvietu:

bajdarka‑čaćviorka na alimpijskaj dystacyi 1000 m (Raman Pietrušenka, Vadzim Machnioŭ, Alaksiej Abałmasaŭ i Artur Litvinčuk);

niealimpijskaja kanoe‑čaćviorka na dystancyi 1000 m (Dzianis Haraža, Dźmitryj Rabčanka, Dźmitryj Vajciškin i Alaksandr Vałčecki);

bajdarka‑dvojka Ramana Pietrušenki i Vadzima Machniova na alimpijskaj dystancyi 500 m i na niealimpijskaj 200 m;

Dzianis Haraža ŭ spabornictvach kanoe‑adzinočak na alimpijskaj dystancyi 500 m;

kanoe‑čaćviorka ŭ składzie Andreja i Alaksandra Bahdanovičaŭ, Dźmitryja Rabčanki i Alaksandra Vałčeckaha na niealimpijskaj dystancyi 200 m;

bajdarka‑čaćviorka (Raman Pietrušenka, Vadzim Machnioŭ, Alaksiej Abałmasaŭ i Artur Litvinčuk) na niealimpijskaj dystancyi 200 m.

Siarhiej Višnieŭski, BIEŁTA

• 0
• 0
• 0
• 0
• 0
• 0
• 0
• 0