Uzbrojenyja siły Ukrainy zachapili adnu z samych mahutnych stancyj radyjoelektronnaj baraćby Rasii
«Krasucha-4» zdolnaja vyjaŭlać i błakavać roznyja radary na dystancyi da 300 km. Znachodka moža zacikavić zachodnija śpiecsłužby.
Ukrainskija vajskoŭcy zachapili kamandny modul sistemy REB «Krasucha-4», što moža stać vialikaj znachodkaj dla raźviedki. Pra heta paviedamlaje military-adździeł The Drive.
Bajcy zachapili kamandny punkt pa-za miežami Kijeva. Vajskoŭcy vyjavili adnu ź dźviuch mašyn «Krasucha-4» pad numaram 1RL257. Poŭny kompleks składajecca ź dźviuch mašyn na bazie hruzavikoŭ KAMAZ-6350.
Na fatahrafii vidać, što kantejnier lažyć na baku z halinkami dreŭ naviersie, ale niezrazumieła, adlustroŭvaje heta naŭmysnuju sprobu schavać jaho ci prosta jon u takim vyhladzie paśla niejkaha napadu abo avaryi. Majucca paškodžańni kamandna-štabnoha modula, asabliva pa nižnim krai ramy. Luki dostupu na bačnym baku adsutničajuć. Pry hetym pišuć, što ŭ cełym stan modula dobry.
Jak pišuć u vydańni, navat pałova sistemy «Krasucha-4» moža mieć vialikaje značeńnie dla vojskaŭ RF z apieratyŭnaha punktu hledžańnia. Heta adna z samych mahutnych mabilnych sistem REB va Uzbrojenych siłach Rasii.
Zajaŭlenaja maksimalnaja dalokaść paražeńnia naziemnych i pavietranych metaŭ składaje ad 150 da 300 kiłamietraŭ, u zaležnaści ad navakolnaha asiarodździa.
Jana zdolnaja vyjaŭlać i błakavać:
— radary,
— ahladnyja radary,
— radyjołakacyjnyja bartavyja datčyki vyjaŭleńnia,
— aktyŭnyja radyjołakacyjnyja hałoŭki samanaviadzieńnia,
— vyšyniamiery ŭ rakietach.
Raźmiaščeńnie «Krasuchi-4» u niepasrednaj blizkaści ad Kijeva mieła b sens, kab abciažaryć ukrainskim siłam i ich mižnarodnym partnioram pošuk i nacelvańnie na rasijskija padraździaleńni ŭ hetym rajonie z dapamohaj radara.
Aŭtar miarkuje, što padobnuju ŭstanoŭku adnaznačna chacieli b zajmieć śpiecsłužby ZŠA i inšych krain Zachadu dla vyvučeńnia.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś22
Kamientary