Łukašenka raskrytykavaŭ udzieł biełaruskich spartsmienaŭ u Zimovaj Alimpijadzie i stanovišča ŭ chakiei
Nakolki nacisnuli na Biełaruś, nastolki i pavinny atrymać u adkaz, zajaviŭ Alaksandr Łukašenkana na naradzie pa vynikach udziełu biełaruskich spartsmienaŭ u zimovych Alimpijskich hulniach i pierśpiektyvach raźvićcia zimovych vidaŭ sportu ŭ krainie, piša BiełTA.
«Padrychtoŭka i ŭdzieł našych spartsmienaŭ u roznaha rodu spabornictvach u apošnija hady prachodzili va ŭmovach biesprecedentnaha cisku na ŭvieś biełaruski sport, Nacyjanalny alimpijski kamitet, spartyŭnyja arhanizacyi, spartsmienaŭ, trenieraŭ», — pačaŭ dakładvać ministr sportu i turyzmu Siarhiej Kavalčuk.
Ale Łukašenka zapiarečyŭ: «Siarhiej Michajłavič, na luboje dziejańnie jość takoje ž procidziejańnie. Nie treba kazać, na kaho chto ciśnie. Cisnuć, i cisnuć na ŭsich. Heta nie pryčyna. A spartsmieny i vajskoŭcy na toje i isnujuć: jak nacisnuŭ, tak i atrymaŭ (u adkaz)».
Siarhiej Kavalčuk adkazaŭ, što biełaruski sport ustojliva vytrymaŭ udary, spartsmieny i treniery staralisia, nakolki heta było mahčyma. «Ale, na žal, nie ŭsie byli hatovyja da hetaha ŭździejańnia», — dadaŭ jon.
«Vy znoŭ za svajo: cisnuli, pieradavali, hatovyja, nie hatovyja. Skažycie, łyžnyja honki — chto na vas tak nacisnuŭ, što vy praktyčna ni ŭ adnym vidzie nie ŭdzielničali? — spytaŭ Alaksandr Łukašenka. — Ja ŭžo nie kažu pra miedali. Na Rasiju nie mienš cisnuli, asabliva na łyžnikaŭ. I vynik? Vam i nie śniłasia tak. Vy nikoli ŭ žyćci takoha ŭzroŭniu nie dasiahniecie. Jany zavajavali bolš za ŭsich miedaloŭ. Voś vam i cisk! A vy?»
Taksama Łukašenka raskrytykavaŭ vyniki ŭ ajčynnym chakiei. Chakiejnaja zbornaja nie zdoleła prabicca na Alimpijadu.
«Što tyčycca chakieja, što tut kazać, vy bačycie — heta hańba! Było try katki krytyja, ciapier ich 44. Što źmianiłasia? Vy stali naohuł žudasna hulać u chakiej! Nacyjanalnyja vidy sportu — futboł i chakiej», — padkreśliŭ jon.
Łukašenka zaŭvažyŭ, što pamiataje ŭsie papiarednija abiacańni, adnak prahresu niama. Naprykład, u čarhovy raz zajaŭlajecca, što biełaruskaja kamanda ŭ KCHŁ vyjšła ŭ płej-of [minskaje «Dynama» vyjšła ŭ płej-of, ale prajhrała ŭ pieršym raŭndzie sieryju ź likam 0:4]. «U nastupnym hodzie vy znoŭ vyjdziecie ŭ płej-of. Tak my tudy ŭkłali miljony. Dzie ruch?» — skazaŭ Alaksandr Łukašenka.
Jon daručyŭ pravieści maštabnuju reviziju biełaruskaha sportu.
«Ty tam budzieš jak hałoŭny kantralor i budzieš adkazvać za sport. U ciabie vielizarnyja paŭnamoctvy i pravy», - zajaviŭ jon Dźmitryju Baskavu, adznačyŭšy, što ŭskładaje na taho asablivyja paŭnamoctvy. «Źbiareciesia, kali vy chočacie pracavać, prarevizirujcie ŭsio, nie tolki ŭ zimovych vidach sportu, i pavykidvajcie hultajoŭ. Razabracca. Ja Alimpijady čakać nie budu».
Vystupleńnie biełaruskaj kamandy na Alimpijadzie ŭ Piekinie Łukašenka nazvaŭ nikčemnym.
Na Alimpijadzie-2022 biełarusy zavajavali dva miedali: srebra ŭ bijatłonie Antona Smolskaha i srebra ŭ frystajle Hanny Huśkovaj
«My čatyry hady pravalili. Vy źjeli dziaržaŭnyja hrošy prosta tak. Vysnova adna: tak bolš być nie možna. Zadačy ja vam pastaviŭ. Dziaržavie patrebny vynik».
Ciapier čytajuć
Statkievič apublikavaŭ foty ich novaha z Marynaj Adamovič doma3
Statkievič apublikavaŭ foty ich novaha z Marynaj Adamovič doma
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1010
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»10
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary