Hienštab Ukrainy: Hrupa biełaruskich hienierałaŭ dabivajecca ŭstupleńnia Biełarusi ŭ vajnu
U viačerniaj spravazdačy hienštab Ukrainy zhadaŭ łabistaŭ ahresii Biełarusi ŭ dačynieńni da Ukrainy, chacia sam biełaruski narod «nie padtrymlivaje pryciahnieńnie ŭłasnych uzbrojenych sił da vajny».
«Rasijskija zachopniki praciahvajuć aktyŭnaje vykarystańnie transpartnaj sietki Respubliki Biełaruś. Adznačajecca rost kolkaści pavietranych pieravozak vajennych hruzaŭ z terytoryi Rasijskaj Fiederacyi. U asnoŭnym dla pierakidvańnia rakiet roznych typaŭ i bojeprypasaŭ vorah vykarystoŭvaje transpartnyja samaloty An-124. Taki sposab dastaŭki abumoŭleny błakavańniem čyhunačnych šlachoŭ na asobnych napramkach.
Nasielnictva Respubliki Biełaruś nie padtrymlivaje pryciahnieńnie ŭłasnych uzbrojenych sił da vajny, raźviazanaj Rasijskaj Fiederacyjaj suprać Ukrainy.
U toj ža čas pradastaŭleńnie vajennaj padtrymki rasijskaj ahresii i pytańni nakiravańnia biełaruskich padraździaleńniaŭ va Ukrainu łabirujecca hrupaj vysokapastaŭlenych čynoŭnikaŭ i hienierałaŭ sa składu Rady biaśpieki Respubliki Biełaruś», — havorycca ŭ paviedamleńni.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary