«Pryčym tut prablemy miru?» Deputat aryhinalna patłumačyŭ prysutnaść rasijskich vojskaŭ u Biełarusi

Z deputatam hutaryła čytačka «Našaj Nivy». Pryvodzim ich dyjałoh.

— Kali ŭ nas budzie vykonvacca 18 artykuł Kanstytucyi, u jakim skazana pra vyklučeńnie vajskovaj ahresii [ź biełaruskaj terytoryi]? 

— Z našaj terytoryi nijakaj ahresii niama. 

— Z našaj terytoryi na Ukrainu laciać rakiety. 

— My źjaŭlajemsia Sajuznaj dziaržavaj. Heta značyć, znachodziacca vojski Sajuznaj dziaržavy ŭ ramkach sumiesnych prahram. Hetak ža, jak my možam znachodzicca na terytoryi Rasijskaj Fiederacyi, a jany ŭ nas. 

— Dyk uźlatajuć samaloty, jakija niasuć rakiety.

— Kudy jany latajuć?

— Va Ukrainu i zabivajuć mirnych žycharoŭ. 

— Jany latajuć tolki pa našaj terytoryi. U Polšču chiba jany latajuć? Vy mnie raskažycie, chto kaho bambić. Niešta vy nie pra toje kažacie. Nie treba leźci ŭ palityčnyja pytańni. Davajcie my z vami sustreniemsia i parazmaŭlajem. Ja mušu pracavać z nasielnictvam, jość dyjałohavaja placoŭka dla takoha. Ja nie budu ciapier zajmać liniju. Moža, u ludziej inšych jość niešta bolš hłabalnaje.

— Vy chočacie skazać, što pytańnie miru — heta nie hłabalnaje pytańnie?

— A pryčym tut prablemy miru?

— A pytańnie ŭ tym, što idzie vajna i z terytoryi Respubliki Biełaruś jedzie technika.

— Chto vam skazaŭ, što idzie vajna z terytoryi Respubliki Biełaruś?

— Vy mnie raskažycie, kali łaska, jak jany mohuć traplać na terytoryju Ukrainy? Rasijskija tanki pajechali ź miažy Biełarusi. Heta zafiksavana kamierami.

— Jakimi kamierami? Ja nie bačyŭ hetych kamier. Vy zadajacie hałasłoŭnyja pytańni.

— Vy mnie rastłumačycie, jak rasijskija tanki mahli pajechać z našaj terytoryi, nie traplajučy pry hetym u Biełaruś?

— A chto vam skazaŭ, što jany pajechali? Adkul u vas takija źviestki?

— Voś kali vas ci vašaha syna vajavać pryzavuć, to tady vy raźbieraciesia.

— Ja vajavać nie źbirajusia. Jak skazaŭ naš prezydent, nivodzin naš vajskoviec nie budzie vajavać na čužoj terytoryi.

Raniej inicyjatyva BYPOL publikavała aŭdyjozapis, na jakim, jak śćviardžajecca, pałkoŭnik vajennaj akademii Siarhiej Mazoŭka ŭ žniŭni 2020 hoda zaklikaŭ kursantaŭ stralać bajavymi patronami pa mirnych pratestoŭcach.

«12-y hod, 35-y hod, 91-y hod, Saviecki Sajuz kali raspaŭsia, — ni da čaha dobraha nie pryviało. Tamu ŭsim być u hatoŭnaści da zadziejničańnia. Značyć, ja pryznaču zaraz usich hetych ludziej, kab kožny ŭsio viedaŭ, kamu my vydadzim mahazin, chto napierad u ataku. Značyć, ničoha nie bajacca, spakojnieńka vysoŭvajemsia, idziom. Napierad skažuć — i pajšli ruchacca napierad. Moža być, kali kahości pasprabujuć…

ja tady prymu rašeńnie — ci budu stralać sam, ci tamu, u kaho buduć bajavyja patrony, skažu: «Ahoń!». Pieršy streł uvierch chałastym pojdzie, a chtości… chtości potym bajavym», — kazaŭ, mierkavana, deputat na zapisie. 

«Jak my reahujem? Nijak». Minski deputat prakamientavaŭ parušeńnie Kanstytucyi i zapusk rakiet ź biełaruskaj terytoryi

• 1
• 2
• 57
• 4
• 7
• 36