U bok Ukrainy z Baranavič palacieli samaloty. Vybuchi ŭ Ciarnopali, Roŭnie, Kałamyi
Pačynajučy z 21 hadziny 3 krasavika telehram-kanał «Biełaruski Hajun» niaspynna fiksavaŭ uźloty rakiet z vajskovaha aeradroma ŭ Baranavičach.
Adpaviednyja paviedamleńni źjavilisia ŭ 21:05, 21:41, 21:51, 22:15.
Paśla hetaha va Ukrainie prahrymieli vybuchi ŭ Ciarnopali, Roŭnie, Kałamyi, Charkavie i ŭ Chmialnickaj vobłaści.
Da hetaha rakietnych zapuskaŭ va Ukrainu z terytoryi Biełarusi nie nazirałasia bolš za sutki.
«Pačynajučy z 00:00 2 krasavika naša manitorynhavaja hrupa nie zafiksavała nivodnaha rakietnaha zapusku z terytoryi Biełarusi pa terytoryi Ukrainy. Apošni zapusk rakiety byŭ zaŭvažany ŭ Mazyrskim rajonie ŭ 23:20 1 krasavika», — paviedamlaŭ kanał «Biełaruski Hajun», jaki śpiecyjalizujecca na adsočvańni vajennaj aktyŭnaści na terytoryi Biełarusi.
Kamientary