Kolkaść zahinułych na čyhunačnym vakzale ŭ Kramatorsku dasiahnuła 50 čałaviek. 12 ź ich pamierli ŭ balnicy. Siarod achviaraŭ — 5 dziaciej, paviedamiŭ kiraŭnik Danieckaj abłasnoj dziaržaŭnaj administracyi Paŭło Kirylenka.
U balnicach znachodziacca 98 paciarpiełych, ź ich 16 dziaciej, 46 žančyn i 36 mužčyn.
Rakietny ŭdar pa vakzale byŭ naniesieny siońnia. Na korpusie rakiety, jakaja ŭdaryła pa Kramatorskim vakzale, byŭ nadpis pa-rusku «Za dietiej».
Alaksiej Arastovič, daradca prezidenta Ukrainy, zajaviŭ, što Kramatorsk byŭ atakavany rakietaj typu «Iskander». Pa słovach daradcy Zialenskaha, rasijanie metanakiravana ŭdaryli pa mirnych ludziach, jakija čakali evakuacyi.
Paźniej Ofis Zialenskaha paviedamiŭ, što ŭdar byŭ naniesieny «Točkoj-U». Heta rakietny kompleks savieckaj raspracoŭki. Jany jość na ŭzbrajeńni va Ukrainie, u Rasii jany nibyta z uzbrajeńnia źniatyja, ale ich bačyli pry transparciroŭcy pa Biełarusi.
Rasijskaja i biełaruskaja prapahanda adrazu abvinavacili Ukrainu ŭ atacy na svoj ža horad.
Čytajcie taksama:
Rakietami byŭ atakavany čyhunačny vakzał Kramatorska. Na adnoj byŭ nadpis pa-rusku «Za dziaciej»
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA67
Kamientary