Rasijskija vajskoŭcy miesiac haspadaryli ŭ Čarnobyli, i heta moža mieć dla ich kiepskija nastupstvy
Dziaržaŭnaje ahienctva Ukrainy pa kiravańni zonaj adčužeńnia zajaviła, što rasijskija vajskoŭcy skrali 133 radyjeaktyŭnyja rečyvy z daśledčych łabaratoryj u Čarnobyli. A ŭkrainski «Enierhaatam» sprahnazavaŭ, što rasijskich sałdat, jakija kapali akopy i sprabavali budavać fartyfikacyjnyja zbudavańni ŭ Rudym lesie kala Čarnobyla, čakaje pramianiovaja chvaroba.
Ustanova śćviardžaje:
«Navat nievialikaja častka hetych rečyvaŭ śmiarotna niebiaśpiečnaja pry nieprafiesijnym i niekantralavanym abychodžańni ź imi».
Sumarnaja aktyŭnaść skradzienych rečyvaŭ składaje 7 miljonaŭ biekierelaŭ. Heta možna paraŭnać z 700 kh radyjeaktyŭnych adchodaŭ z beta i hama vypramieńvańniem.
«U vypadku našeńnia takoha suvienira z saboj na praciahu dvuch tydniaŭ harantavana ŭźnikajuć radyjacyjnyja apioki i pačynajecca pramianiovaja chvaroba dy niezvarotnyja pracesy ŭ arhaniźmie», — kamientuje ahienctva
A ŭkrainski «Enierhaatam» zajaviŭ, što rasijskich sałdat, jakija kapali akopy i sprabavali budavać fartyfikacyjnyja zbudavańni ŭ Rudym lesie kala Čarnobyla, taksama moža čakać pramianiovaja chvaroba.
Kiraŭnik «Enierhaatoma» Piatro Kocin razam sa śpiecyjalistami zamieryli tam uzrovień radyjacyi. Hama-fon u miescach vymiareńnia składaŭ 3,2—4 mikraziviert u hadzinu, što ŭ 10—15 razoŭ pieravyšaje normu.
«Adzin z pakazčykaŭ, jaki farmiruje ŭnutranaje apramianieńnie, jakoje čałaviek moža atrymać z pavierchni hleby (beta-zabrudžvańnia), u miescach vymiareńnia składaŭ pa 90 Sr, što ŭ 160 razoŭ bolš za normu», — havorycca ŭ zajavie kampanii.
«Enierhaatam» taksama paviedamiŭ, što na hłybini 40—80 sm na hetym učastku lesu zakapanyja frahmienty jadziernaha paliva, apramienienaj hrafitavaj kładki. Jany mohuć być krynicaj alfa-vypramieńvańnia — pry traplańni ŭ arhanizm takija frahmienty ŭ dziasiatki razoŭ bolš niebiaśpiečnyja, čym upłyŭ hama— i beta-vypramieńvańnia.
Tranšei, jakija kapali rasijskija vajskoŭcy, zachodziać i hłybiej hetych 40-80 sm. Tamu ŭsich rasijskich vajskoŭcaŭ, jakija bolš za miesiac znachodzilisia ŭ Rudym lesie, čakaje pramianiovaja chvaroba roznaj stupieni ciažkaści, pierakananyja pradstaŭniki «Enierhaatama».
Ciapier čytajuć
Zamiest vajny słany ŭ novaj knizie Sašy Filipienki. I Maskva3
Kamientary