«Ja biełarus i chaču žyć u Biełarusi biez Łukašenki». Za taki kamientar hrodziencu dali paŭtara hoda kałonii
U sudzie Kastryčnickaha rajona Harodna 14 krasavika vyniesieny prysud pa kryminalnaj spravie Andreja Ściepanienki, abvinavačanaha ŭ abrazie Łukašenki (č.1 art. 368 Kryminalnaha kodeksa). Čałavieku prysudzili paŭtara hoda kałonii za paviedamleńnie ŭ čacie vypusknikoŭ-liceistaŭ ź nievialikaj kolkaściu ludziej.
Zhodna z materyjałami spravy, Andrej napisaŭ u adnym z čataŭ u adkaz na prapanovu źjechać ź Biełarusi paśla zatrymańnia 9 žniŭnia 2020 hoda:
«U hetym jość niejkaje łahičnaje ziarniatka. Ale ja nie chaču ŭ Polšču. Ja biełarus i chaču žyć u Biełarusi biez Łukašenki. U Biełarusi, u jakoj zakon vyšejšy, važniejšy za niejkaha tam vusataha».
Heta paličyli abrazaj Łukašenki i acanili ŭ 1,5 hoda kałonii. Prytym što heta byŭ zakryty čat vypusknikoŭ-liceistaŭ, u jakim było niašmat ludziej.
Spravu razhladaŭ sudździa Uładzimir Paźniak, dziaržabvinavaŭca — prakuror Vieranika Hurjanava.
Andreja zatrymali ŭ lutym hetaha hoda, kali jon braŭ udzieł u spabornictvach pa šmatborji. Na ŭvachodzie ŭ spartyŭnuju zału KDB achoŭnik ubačyŭ na zaplečniku značok z «Pahoniaj» i vyklikaŭ milicyju. Tyja ahledzieli rečy, a taksama telefon, i ŭ adnym z čataŭ znajšli hetaje paviedamleńnie.
Ściepanienka — ajcišnik, jon cikavicca sportam, intelektualnymi hulniami, kancertami. Da momantu zatrymańnia pracavaŭ viadučym inžynieram-prahramistam u Hrodzienskim upraŭleńni Ministerstva finansaŭ. Adrazu paśla zatrymańnia byŭ zvolnieny z pracy.
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary