Zatrymany Arsienij Pachomaŭ, abvinavačvajecca ŭ pašyreńni «destruktyŭnaj infarmacyi» pra vajnu
«Pakajalnaje» videa z hetym čałaviekam źjaviłasia na praŭładnym telehram-kanale. Na im mužčyna kaža, što jamu 35 hod, jon časova biespracoŭny, a zatrymali jaho za toje, što «raspaŭsiudžvaŭ destruktyŭnuju infarmacyju pra vajnu va Ukrainie», piša «Viasna».
HUBAZiK taksama paviedamiŭ, što pa načach zatrymany nibyta rasklejvaŭ nalepki z zabaronienymi vyjavami. U jakaści dokazu viny Arsienija siłaviki raźmiaścili ŭ telehram-kanale fotazdymki z kvatery zatrymanaha.
Na zdymkach — ściah Ukrainy, bieł-čyrvona-biełyja znački i stužački, znački z nadpisami «Biełsat», «Vybary 2006. Naziralnik», ściah ZŠA, ściah Arhanizacyi ŭkrainskich nacyjanalistaŭ, nalepki z nadpisam «Nie śmiarotnamu pakarańniu», «Basta», vielmi staroje paśviedčańnie pazaštatnaha supracoŭnika «Našaj Nivy» i tualetnaja papiera z partretam-šaržam Pucina.
Dzie zaraz utrymlivajuć Arsienija, pravaabaroncam pakul nieviadoma.
Kamientary