Frontmen «Lapisa Trubiackoha» Siarhiej Michałok raskazaŭ pra novy albom hurta «Kultpraśviet».
Frontmen «Lapisa Trubiackoha» Siarhiej Michałok raskazaŭ pra novy albom hurta «Kultpraśviet».
— Hety albom zrobleny za hod. Ale jon nie syry. Dumki, idei, muzyčnyja napracoŭki byli raniej. Niekatoryja pieśni my hady z try nie mahli vyrazić u studyi. Pieśnia «Buravieśnik» była hatovaja ŭžo paŭtara hoda tamu, ale mnie zdavałasia lišnim piedaliravać hetuju temu ŭ «Manifieście». Pravilnaja evalucyja taksama važnaja, — skazaŭ Michałok u intervju «Biełaruskim navinam».
Na minułym tydni ŭ internecie byŭ vykładziena videa hurta na pieśniu z novaha alboma «Buravieśnik».
— Toje, jak zrobleny «Buravieśnik»… Hetaja technika viadomaja, jość niečym padobnyja staryja pracy, zroblenyja fanatami Jahora Letava. Heta taki ahitprom, maskult, niešta, naviejanaje pastanoŭkami Miejercholda. Pry hetym usia kancepcyja zasnavana na kubafuturyście Malevičy, jaki šmat supracoŭničaŭ z Burlukami, z Chlebnikavym».
Nastupny klip, jak abiacaje Siarhiej Michałok,
źjavicca na pieśniu «Bołt». Jon «budzie mieć praciah u vyhladzie ŭzmacnieńnia hetaha vizualnaha cisku i vizualnaj revalucyi».
Hałoŭny «Lapis» taksama vykazaŭsia nakont svaich vystupleńniaŭ.
— My hrajem vielmi šmat biletnych kancertaŭ, ale pry hetym isnuje staroje retrahradnaje žyćcio, źviazanaje z surjoznaj kamiercyjnaj dziejnaściu. Pa‑raniejšamu isnujuć karparatyvy, i ja nikoli nie chitravaŭ — heta mahčymaść lohkich buržuaznych zarobkaŭ. Vystupleńnie na niečym dni naradžeńni kaštuje ŭ čatyry razy daražej, čym na hetym fiestyvali (Be Free. — Aŭt.).
Pra dalejšyja płany Michałok kaža tak:
«Jak minimum paru hadoŭ treba adpačyć».
Pahladzieć klip na pieśniu «Buravieśnik» možna na našym sajcie. A albom «Kultpraśviet» spampavać tut.
Ciapier čytajuć
Jak u halečy śpivałasia radnia Łukašenki? Małaviadomyja fakty30
Kamientary