U hrodzienskaj turmie pačaŭsia sud pa spravie Mikałaja Aŭtuchoviča. Jamu pahražaje rasstreł
Niekatorych abvinavačanych trymajuć ŭ asobnych kletkach — nibyta jany «asabliva niebiaśpiečnyja».
Na sudovy praces puścili tolki dvuch svajakoŭ abvinavačanych. Inšych rodnych u zału sudovych pasiedžańniaŭ nie puścili.
Mikałaj Aŭtuchovič zajaviŭ advod sudździ Jon zapatrabavaŭ zamieny Maksima Fiłatava, adnak zajaviŭ, što budzie zajaŭlać advod i lubomu inšamu sudździ. Paśla narady Fiłataŭ admoviŭ u advodzie, bo dla jaho «niama padstaŭ».
Ab advodzie składu suda zajaviŭ taksama Uładzimir Hundar. Sud taksama pryniaŭ rašeńnie ab adchileńni advodu ŭ suviazi ź jaho nieabhruntavanaściu.
Niekalki paciarpiełych pa siamiejnych i słužbovych pryčynach nie zmahli źjavicca na pasiadžeńnie suda. Jany padali pazoŭ ab razhladzie spravy bieź ich prysutnaści.
Padčas suda Mikałaj Aŭtuchovič zajaviŭ chadajnictva ab źmienie miery strymańnia dla Lubovi Rezanovič. Sud adchiliŭ chadajnictva.
Aŭtuchoviča paśla dvuch zaŭvahaŭ suda vydalili z zały pasiadžeńnia da zakančeńnia pracesu.
Taksama sudździa zrabiŭ pierapynak, kab daktary ahledzieli Luboŭ — jana skardzicca na bol u skroniach.
Hałoŭny fihurant kryminalnaj spravy, Mikałaj Aŭtuchovič, abvinavačvajecca pa 12 artykułach Kryminalnaha kodeksa, 6 ź ich — za asabliva ciažkija złačynstvy.
Adzin sa składaŭ praduhledžvaje vyšejšuju mieru pakarańnia (rasstreł abo pažyćciovaje pazbaŭleńnie voli), piša Biełta.
Siarod dziejańniaŭ, inkryminavanych Mikałaju Aŭtuchoviču, — zdrada dziaržavie, sadziejničańnie ŭ terarystyčnaj dziejnaści, niezakonnyja dziejańni ŭ dačynieńni da ahniastrelnaj zbroi i vybuchovych rečyvaŭ, zamach na zachop ułady niekanstytucyjnym šlacham, stvareńnie złačynnaj arhanizacyi, raspalvańnie rasavaj, nacyjanalnaj, relihijnaj varožaści. A taksama šerah inšych składaŭ złačynstvaŭ, takich jak kantrabanda, akt teraryzmu.
U kryminalnaj spravie bolš za 65 tamoŭ.
Aŭtuchoviča i šerah źviazanych ź im, na dumku śledstva, ludziej zatrymali jašče 1 śniežnia 2020 hoda. Ich abvinavačvajuć u padpale aŭtamabilaŭ i damoŭ supracoŭnikaŭ milicyi.
Ułady adrazu abviaścili Aŭtuchoviča arhanizataram i kiraŭnikom «terarystyčnaj hrupoŭki».
Pa spravie taksama prachodziać Uładzimir Hundar (užo asudžany da troch hadoŭ kałonii pavodle art. 366 KK), Volha Majorava, Halina Dzierbyš, Viktar Śniehur, Pavieł Sava, Dźmitryj, Siarhiej, Pavieł i Luboŭ Razanovičy.
Pavodle pravaabaroncaŭ, praces budzie vieści Maksim Fiłataŭ, jaki vynies pryhavor aktyvistu Vitoldu Ašurku. Paśla taho pracesu Fiłataŭ pajšoŭ na pavyšeńnie, ciapier jon pracuje ŭ Hrodzienskim abłasnym sudzie.
Čytajcie taksama:
Chto taki Mikoła Aŭtuchovič, jakoha zatrymali za «teraryzm»? Jaho bijahrafii chapiła b na dziesiaciarych — vajna, biznes, palityka, haładoŭki, turma
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1313
Kamientary