«Bo ž taja vajna zabrała žyćcio 27 miljonam maich suajčyńnikaŭ». Słovy Pucina kamientuje Barys Tumar.
Napiaredadni vizitu ŭ Polščy na 70‑hodździe pačatku vajny, u svaim artykule ŭ «Hazecie vyborčaj» Pucin napisaŭ: «Kali premjer Polščy spadar Donald Tusk nakiravaŭ mnie zaprašeńnie na ŭračystaści, pryśviečanyja hadavinie vybuchu Druhoj suśvietnaj vajny, ja pryniaŭ jaho biez vahańnia. Paprostu nie moh zrabić inakš. Bo ž taja vajna zabrała žyćcio 27 miljonam maich suajčyńnikaŭ».
Kaliści ŭ siaredzinie XIX stahoddździa praniklivy lider češskaha nacyjanalnaha ruchu Haŭličak zaŭvažyŭ: rasiejcy lubiać nazyvać usio rasiejskaje słavianskim, kab paśla nazyvać usio słavianskaje rasiejskim.
Niešta padobnaje adbyvajecca ciapier z pamiaćciu pra vajnu. Rasijskaja prapahanda vypiačvaje «supolnaść podźvihu», kab rusifikavać histaryčnuju śviadomaść narodaŭ byłoha SSSR.
U 27 miljonaŭ historyki ŭ časy Harbačova aceńvali achviary respublik SSSR u vajnie. Usiaho SSSR, nie Rasii. Nazyvajučy hetyja 27 miljonaŭ suajčyńnikami, Pucin padaje siabie ŭ roli haspadara ŭsiaho byłoha SSSR. Stalin vyścieliŭ darohu da pieramohi miljonami trupaŭ, apłaciŭ biazdarnaść svajho režymu kryvioj. Pucin praciahvaje vykarystoŭvać hetyja achviary.
Dziakuj, nie treba. Spačatku z Rasijaj raźbiaryciesia. A my ŭžo niejak sami. Biez vas. My asobnyja nacyi.
Hetaja ličba — 27 miljonaŭ — havoryć i pra toje, što ŭ siońniašniaj Rasii mnoha trubaduraŭ-palittechnołahaŭ, ale mała historykaŭ. Rasija dasiońnia nie źličyła dakładna svaich strataŭ. U hetaj ličbie Pucina nie tolki impierskaja niepavaha da samastojnaści susiednich nacyj, ale i abyjakavaść — miljon tudy, miljon siudy — da ŭłasnych ludziej, jakija zastajucca tolki «čałaviečym materyjałam».
Nie, heta nie dzialož achviaraŭ.
Heta pytańnie ab tym, jak vypracavać takuju histaryčnuju śviadomaść, pry jakoj novaja vajna ŭ centry Jeŭropy stała b niemahčymaj.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam5
Kamientary