Apublikavali fotarobaty padazravanych u zabojstvie vieterynara na biełaruska-ŭkrainskaj miažy
Brahinskaja rajonka «Majak Paleśsia» apublikavała fotarobaty dvuch padazravanych, jakija mohuć być datyčnyja da zabojstva doktara Siarhieja Čambroviča.
Pa padazreńni ŭ ździajśnieńni zabojstva šukajuć dvuch złačyncaŭ.
Pieršy: na vyhlad kala 30—35 hadoŭ, rost 175—180 sm, chudarlavaha ciełaskładu, vałasy ciomnyja, karotkija, tvar avalny, jeŭrapiejski. Byŭ apranuty ŭ ciomnuju majku z karotkim rukavom, ciomnyja spartyŭnyja štany, čornyja słancy.
Druhi: na vyhlad 30—35 hadoŭ, rost 175—180 sm, mažnoha ciełaskładu, vałasy karotkija, ciomnyja, tvar kruhły, jeŭrapiejski. Byŭ apranuty ŭ šeruju bajku, ciomnyja štany, ciomnyja krasoŭki. Na pojasie była kabura, u rukach — pistalet ciomnaha koleru.
Nahadajem, što 9 maja ŭ pamiežnaj zonie kala vioski Vierchnija Žary Brahinskaha rajona zahinuŭ vieterynarny ŭrač z Homiela Siarhiej Čambrovič. Pa papiaredniaj infarmacyi, jaho zabili strełam u hałavu.
Hibiel niekatoryja źviazvali sa strełam rasijskaha snajpiera abo z ukrainskaha boku, ale vyhladaje, što havorka pra zvyčajny kryminał.
Čytajcie taksama:
«Streł byŭ prosta ŭ hałavu». Novyja padrabiaznaści pra hibiel veterynara na miažy z Ukrainaj
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary