Za kamientaryi zatrymali treniera pa handbole. Raspaviadajem, chto jon
Stała viadoma pra zatrymańnie 41-hadovaha žychara miastečka Zelva Michaiła Michuty.
Siłaviki paviedamlajuć, što zatrymali mužčynu za «raspaŭsiudžvańnie ekstremisckich materyjałaŭ» i «abrazu prezidenta».
Michaił — handbalist i trenier pa handbole z «dynastyi» Michutaŭ. Padčas svajoj spartovaj karjery jon staŭ čempijonam Jeŭropy i vice-čempijonam śvietu ŭ składzie studenckaj kamandy. Paśla zakančeńnia karjery viarnuŭsia na małuju radzimu i pačaŭ treniravać dziaciej.
Miascovyja ŚMI nazyvajuć jaho najlepšym dziciačym handbolnym trenieram Zelvienščyny i adnym z najlepšych u Hrodzienskaj vobłaści. Taksama viadoma, što jon byŭ adzinym majstram sportu siarod handbolnych trenieraŭ miastečka. U pieršyja dziesiać hod karjery jon padrychtavaŭ troch prafiesijnych spartoŭcaŭ respublikanskaha ŭzroŭniu i niekalki dziasiatkaŭ handbalistaŭ uzroŭniu vobłaści.
Michaił pačynaŭ treniravacca pad kiraŭnictvam Zasłužanaha treniera Biełarusi Leanida Hana. Jak, zrešty, i jaho dziadźka Uładzimir Michuta — adzin z najlepšych biełaruskich handbalistaŭ. Jon trojčy byŭ čempijonam SSSR, trojčy braŭ Kubak SSSR, vyjhravaŭ Kubak Kubkaŭ u składzie minskaha SKA.
A ŭ 2020 hodzie Uładzimir asudziŭ hvałt na vybarach i staŭ adnym ź pieršym padpisantaŭ hetak zvanaha lista svabodnych spartsmienaŭ.
Michaił u volny ad sportu čas raniej zajmaŭsia nievialikim ułasnym biznesam — trusahadoŭlaj.
Zhodna z paviedamleńniami siłavikoŭ, na Michaiła zaviedzienaja kryminalnaja sprava za «abrazu prezidenta» (artykuł 368 KK).
Stała viadoma, što za amierykaniec niadaŭna byŭ vyzvaleny ź biełaruskaj turmy7
Kamientary