Izrail nie dazvalaje Hiermanii pieradać Ukrainie supraćtankavyja rakiety Spike
Izrail adchiliŭ prośbu ZŠA dazvolić Bierlinu pastaŭlać Ukrainie supraćtankavyja rakiety, vyrablenyja ŭ Hiermanii pa izrailskich technałohijach i licenzii, paviedamlaje vydańnie Axios sa spasyłkaj na amierykanskich i izrailskich čynoŭnikaŭ.
Vydańnie adznačaje, što pytańnie pastaŭki zbroi źjaŭlajecca adnym z apošnich palityčnych roznahałośsiaŭ pamiž ZŠA i Izrailem, kali havorka idzie pra vajnu.
Jak piša Axios, pad ciskam administracyi Džo Bajdena Izrail skarektavaŭ svaju palityku ŭ dačynieńni da Maskvy i pastupova zaniaŭ bolš praŭkrainskuju pazicyju, čym kali Rasija pačała svajo ŭvarvańnie. Ale da hetaha času jon nie pastaŭlaje va Ukrainu sučasnaha ŭzbrajeńnia.
Adznačajecca, što vysokapastaŭleny čynoŭnik ź Minabarony Izraila Amir Ešel dva tydni tamu sustreŭsia ŭ Vašynhtonie z namieśnikam ministra abarony ZŠA pa pytańniach palityki Kalenam Kalem, kab abmierkavać supracoŭnictva ŭ halinie biaśpieki pamiž krainami.
Sa słoŭ pradstaŭnikoŭ ZŠA i Izraila, Kal sustreŭsia z Ešelem i raspavioŭ jamu pra vysiłki administracyi Bajdena padšturchnuć krainy da pastavak zbroi Ukrainie i spytaŭsia, ci dazvolić Izrail Hiermanii pieradać Ukrainie supraćtankavyja rakiety Spike.
Vydańnie paviedamlaje, što Ešel adchiliŭ zapyt, adkazaŭšy Kalu, što Izrail budzie pastaŭlać Ukrainie tolki lohkaje ŭzbrajeńnie.
Kamientary