Ізраіль не дазваляе Германіі перадаць Украіне супрацьтанкавыя ракеты Spike
Ізраіль адхіліў просьбу ЗША дазволіць Берліну пастаўляць Украіне супрацьтанкавыя ракеты, вырабленыя ў Германіі па ізраільскіх тэхналогіях і ліцэнзіі, паведамляе выданне Axios са спасылкай на амерыканскіх і ізраільскіх чыноўнікаў.
Выданне адзначае, што пытанне пастаўкі зброі з'яўляецца адным з апошніх палітычных рознагалоссяў паміж ЗША і Ізраілем, калі гаворка ідзе пра вайну.
Як піша Axios, пад ціскам адміністрацыі Джо Байдэна Ізраіль скарэктаваў сваю палітыку ў дачыненні да Масквы і паступова заняў больш праўкраінскую пазіцыю, чым калі Расія пачала сваё ўварванне. Але да гэтага часу ён не пастаўляе ва Украіну сучаснага ўзбраення.
Адзначаецца, што высокапастаўлены чыноўнік з Мінабароны Ізраіля Амір Эшэль два тыдні таму сустрэўся ў Вашынгтоне з намеснікам міністра абароны ЗША па пытаннях палітыкі Каленам Калем, каб абмеркаваць супрацоўніцтва ў галіне бяспекі паміж краінамі.
Са слоў прадстаўнікоў ЗША і Ізраіля, Каль сустрэўся з Эшэлем і распавёў яму пра высілкі адміністрацыі Байдэна падштурхнуць краіны да паставак зброі Украіне і спытаўся, ці дазволіць Ізраіль Германіі перадаць Украіне супрацьтанкавыя ракеты Spike.
Выданне паведамляе, што Эшэль адхіліў запыт, адказаўшы Калю, што Ізраіль будзе пастаўляць Украіне толькі лёгкае ўзбраенне.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары