«Treba vykarystoŭvać rakietu». Na sudzie nad Aŭtuchovičam raskryli, jak nibyta chacieli zabić Łukašenku
U hrodzienskaj turmie praciahvajecca sud pa spravie Aŭtuchoviča. Jak piša «SB», sudovaje raźbiralnictva praciahnułasia dopytam Siarhieja Razanoviča. Da zatrymańnia jon byŭ śviatarom, nastajacielem chrama ŭ ahraharadku Ściapanki Žabinkaŭskaha rajona.
Siarhiej Razanovič, jaho žonka Luboŭ i syn Pavieł byli zatrymanyja ŭ Breście.
Prakurory chadajničali ab abviaščeńni pakazańniaŭ abvinavačanaha, sabranych da pačatku sudovaha razboru. Sud chadajnictva zadavoliŭ.
Takim čynam byli začytanyja i pakazańni Razanoviča pra «padrychtoŭku terarystyčnaha aktu pa likvidacyi» Łukašenki. Nibyta pra takija płany Aŭtuchovič raspaviadaŭ Razanoviču.
«Z metaj źviaržeńnia dziejnaj ułady nieabchodna ździejśnić padryŭ borta samalota №1 padčas uźlotu abo pasadki. Dla hetaj mety treba vykarystoŭvać rakietu, jak ja zrazumieŭ, ručny hranatamiot. Jon rastłumačyŭ, što dla hetaha patrebny śpiecyjalna navučany čałaviek, jaki ŭmieje karystacca padobnaj zbrojaj. Taksama Aŭtuchovič raspavioŭ, što rakieta kaštuje doraha, ale niejki pradstaŭnik z Amieryki paabiacaŭ finansavuju dapamohu…»
Paśla začytvańnia hetych śviedčańniaŭ Razanovič admoviŭsia ad dačy pakazańniaŭ.
— Nie chaču adkazvać na dalejšyja pytańni, — «upeŭniena pramoviŭ abvinavačany paśla pačutaha», piša «SB».
Sud pa spravie Aŭtuchoviča pačaŭsia 18 maja ŭ hrodzienskaj turmie. Jaho sudziać pa 12 artykułach Kryminalnaha kodeksa. Pa spravie prachodziać 12 čałaviek.
Dziaržaŭnyja ŚMI: «Aŭtuchoviča mohuć rasstralać». Ci praŭda heta?
Chto taki Mikoła Aŭtuchovič, jakoha zatrymali za «teraryzm»? Jaho bijahrafii chapiła b na dziesiaciarych — vajna, biznes, palityka, haładoŭki, turma
Akaŭnt Kabančuka ŭzłamali — ale ci biełaruskija śpiecsłužby?8
Kamientary