Kamitet dziaržkantrolu paviedamiŭ pra źnižeńnie imparciorami lekavych srodkaŭ cenaŭ paśla źnižeńnia kursu valut i rekamiendacyj, dadzienych KDK.
U chodzie kantrolnych mierapryjemstvaŭ, praviedzienych u krasaviku, było ŭstanoŭlena, što ŭ suviazi z rostam kursu valut u lutym-sakaviku imparciory praviali pieraacenku reštkaŭ lekaŭ, pa jakich miełasia zapazyčanaść pierad pastaŭščykami, i pavialičyli ich ceny ŭ siarednim na 30%.
«U suviazi sa źnižeńniem kursu valut Kamitet dziaržkantrolu nakiravaŭ rekamiendacyi bujnym arhanizacyjam-imparcioram lekavych srodkaŭ z metaj pryniaćcia mier pa pieraacency koštu lekaŭ u bok ich źmianšeńnia. Da ciapierašniaha času pryniatyja imi miery.
Praviedzienaja pieraacenka dazvoliła istotna pamienšyć raźlikovuju adpusknuju canu na asobnyja lekavyja preparaty», — havorycca ŭ pres-relizie KDK.
ZAT «Unifarm» pravioŭ pieraacenku 365 lekavych preparataŭ, ich košt źmienšyŭsia ad 2% da 22,8%.
SZAT «Miedvaks» pravioŭ pieraacenku pa 194 najmieńniach lekavych preparataŭ, ich košt źniziŭsia ad 5,9% da 22,8%.
ZTAA «Interfarmaks» pieraacanili 786 lekaŭ, źniziŭšy ich košt ad 1, 5% da 23%.
Paśla pieraacenki STAA «Brytytrejd» ceny pa 368 najmieńniach lekavych srodkaŭ pamienšylisia ad 7% da 29%.
Jak adznačaje KDK, pieraacenka dazvolili źnizić košty amal na ŭsie impartnyja preparaty ŭ aptekach.
Kamientary