The Washington Post: Abstalavańnie, skradzienaje rasijanami z Čarnobylskaj AES, padaje hołas ź Biełarusi
Pa źviestkach vydańnia Washington Post, siarod rečaŭ, vykradzienych rasijskimi vajskoŭcami na časova akupavanaj u lutym-sakaviku Čarnobylskaj AES, 698 kamputaraŭ, 344 aŭtamabila, 1500 dazimietraŭ i elemienty supraćpažarnaha abstalavańnia. Ahulny ich košt — bolš za 135 miljonaŭ dalaraŭ.
Jak paviedamlaje kiraŭnik Dziaržaŭnaha ahienctva Ukrainy pa kiravańni zonaj adčužeńnia Jaŭhien Kramarenka, na abstalavańni ŭstanoŭlenyja GPS-trekiery, niekatoryja ź jakich praciahvajuć pieradavać dadzienyja ab miescaznachodžańni.
«My bačym, što častka ź ich znachodzicca na terytoryi Biełarusi, uzdoŭž miažy. A častka pieramiaščajecca pa terytoryi Biełarusi: Homiel, Minsk, inšyja miescy», — skazaŭ jon.
Pry hetym śćviardžajecca, vykradzienaje abstalavańnie budzie niemahčyma vykarystoŭvać, bo na im nibyta ŭstanoŭlena «ŭnikalnaje prahramnaje zabieśpiačeńnie».
Čytajcie taksama:
MAHATE: Cituacyja ŭ Čarnobyli paśla zachopu jaje rasijanami «vielmi niebiaśpiečnaja»
«Čarnobyl budzie z nami nie 30 i navat nie 300 hadoŭ». Inžynier-fizik — pra novyja ryzyki dla Biełarusi ŭ suviazi z uvarvańniem rasijskich vajskoŭcaŭ na ŭkrainskija AES
Ciapier čytajuć
U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym9
Kamientary