The Washington Post: Абсталяванне, скрадзенае расіянамі з Чарнобыльскай АЭС, падае голас з Беларусі
Па звестках выдання Washington Post, сярод рэчаў, выкрадзеных расійскімі вайскоўцамі на часова акупаванай у лютым-сакавіку Чарнобыльскай АЭС, 698 кампутараў, 344 аўтамабіля, 1500 дазіметраў і элементы супрацьпажарнага абсталявання. Агульны іх кошт — больш за 135 мільёнаў даляраў.
Як паведамляе кіраўнік Дзяржаўнага агенцтва Украіны па кіраванні зонай адчужэння Яўген Крамарэнка, на абсталяванні ўстаноўленыя GPS-трэкеры, некаторыя з якіх працягваюць перадаваць дадзеныя аб месцазнаходжанні.
«Мы бачым, што частка з іх знаходзіцца на тэрыторыі Беларусі, уздоўж мяжы. А частка перамяшчаецца па тэрыторыі Беларусі: Гомель, Мінск, іншыя месцы», — сказаў ён.
Пры гэтым сцвярджаецца, выкрадзенае абсталяванне будзе немагчыма выкарыстоўваць, бо на ім нібыта ўстаноўлена «ўнікальнае праграмнае забеспячэнне».
Каментары