Sievieradanieck trymajecca i maje ŭsie šancy na chutkaje vyzvaleńnie, zajaviŭ siońnia kiraŭnik Łuhanskaj abłasnoj vajennaj administracyi Siarhiej Hajdaj u efiry nacyjanalnaha telemarafona.
«Abaroncy paśpiachova pravodziać łakalnyja apieracyi, biaruć pałonnych, u ich usio nieabchodnaje, kab hnać orkaŭ z abłasnoha centra», — adznačyŭ Hajdaj.
Pa słovach Hajdaja, rasijanie, praŭda, kantralujuć bolšuju častku horada. «A pracentaŭ 20 — heta «šeraja» zona, jak jaje nazyvajuć vajskoŭcy», — dadaŭ kiraŭnik AVA.
«Ale našy abaroncy trymajuć pazicyi na adnoj častcy horada. Bolš za toje, u ich atrymlivajecca navat rabić peŭnyja apieracyi, kali jany vybivajuć ź niekatorych vulic praciŭnika. Časam atrymlivajecca brać pałonnych (tolki ŭčora 6 pałonnych uziali). Tamu ŭsim skieptykam ja b chacieŭ skazać — nie treba Sievieradanieck śpisvać z rachunkaŭ. Jašče rana. Horad trymajecca», — zajaviŭ Hajdaj.
Kiraŭnik Łuhanskaj AVA nie raskryŭ detali śpiecapieracyj, jakija pravodziać abaroncy Sievieradaniecka, ale adznačyŭ, što jany prachodziać paśpiachova.
«Našym abaroncam atrymlivajecca pravodzić peŭnyja łakalnyja vajennyja apieracyi, damahacca pośpiechu, i heta daje nam šancy, nadzieju, što i ŭ dalejšym heta budzie adbyvacca. Bolš za toje, moža, pamianiajecca situacyja pa samim horadzie», — adznačyŭ jon.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary