Севераданецк трымаецца і мае ўсе шанцы на хуткае вызваленне, заявіў сёння кіраўнік Луганскай абласной ваеннай адміністрацыі Сяргей Гайдай у эфіры нацыянальнага тэлемарафона.
«Абаронцы паспяхова праводзяць лакальныя аперацыі, бяруць палонных, у іх усё неабходнае, каб гнаць оркаў з абласнога цэнтра», — адзначыў Гайдай.
Па словах Гайдая, расіяне, праўда, кантралююць большую частку горада. «А працэнтаў 20 — гэта «шэрая» зона, як яе называюць вайскоўцы», — дадаў кіраўнік АВА.
«Але нашы абаронцы трымаюць пазіцыі на адной частцы горада. Больш за тое, у іх атрымліваецца нават рабіць пэўныя аперацыі, калі яны выбіваюць з некаторых вуліц праціўніка. Часам атрымліваецца браць палонных (толькі ўчора 6 палонных узялі). Таму ўсім скептыкам я б хацеў сказаць — не трэба Севераданецк спісваць з рахункаў. Яшчэ рана. Горад трымаецца», — заявіў Гайдай.
Кіраўнік Луганскай АВА не раскрыў дэталі спецаперацый, якія праводзяць абаронцы Севераданецка, але адзначыў, што яны праходзяць паспяхова.
«Нашым абаронцам атрымліваецца праводзіць пэўныя лакальныя ваенныя аперацыі, дамагацца поспеху, і гэта дае нам шанцы, надзею, што і ў далейшым гэта будзе адбывацца. Больш за тое, можа, памяняецца сітуацыя па самім горадзе», — адзначыў ён.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары10
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары