U aŭstralijskaj Adełaidzie 7 vieraśnia pamior biełaruski śviatar Michaś Burnos.
7 vieraśnia 2009 h. adyšoŭ u lepšy śviet adzin z najbolš aktyŭnych biełarusaŭ Adełaidy (Aŭstralija) śviatar Michaś Burnos.
M. Burnos naradziŭsia 12 kastryčnika 1924 h. u v. Lasok Navahradskaha pavieta. Vučyŭsia ŭ Navahradskaj nastaŭnickaj sieminaryi, byŭ siabram Sajuzam biełaruskaj moładzi.
U pavajennaj Niamieččynie apynuŭsia ŭ łahiery dla pieramieščanych asobaŭ u Mitenvaldzie, zatym u Biełaruskim łahiery AVS u Vatenštecie. Vučyŭsia ŭ Biełaruskaj himnazii imia Maksima Bahdanoviča ŭ Vatenštecie.
U 1949 h. vyjechaŭ pavodle kantraktu ŭ Aŭstraliju. Ad 1952 h. žyŭ u Adełaidzie (Paŭdniovaja Aŭstralija),
naležaŭ da parafii Biełaruskaj aŭtakiefalnaj pravasłaŭnaj carkvy Śviatych apostałaŭ Piatra i Paŭła. Kiravaŭ carkoŭnym choram, stvaryŭ muzyčnuju hrupu «Zorka», paźniej kiravaŭ dziciačym tancavalnym hurtom «Lavonicha», byŭ nastaŭnikam prycarkoŭnaj škoły.
Michaś Burnos razam z žonkaj Volhaj brali aktyŭny ŭdzieł u pracy Biełaruskaha abjednańnia ŭ Paŭdniovaj Aŭstralii, Fiederalnaj rady biełaruskich arhanizacyj u Aŭstralii. Jon staŭ adnym z zasnavalnikaŭ aŭstralijskaha čarnobylskaha fondu.
4 studzienia 1987 h. Michaś Burnos atrymaŭ śviatarskija śviačeńni i dalej ciaham 12 hadoŭ byŭ nastajacielam parafii BAPC u Adełaidzie.
Ajciec Burnos staŭ adnym z zasnavalnikaŭ i pieršym staršyniom Biełaruskaha histaryčnaha zhurtavańnia ŭ Aŭstralii, namahańniami jakoha stali źbiracca archivy aŭstralijskich biełarusaŭ, zapisvacca ŭspaminy.
Jon šmat zrabiŭ dla biełarusaŭ Adełaidy i Aŭstralii naohuł, byŭ sumlennym i ščyrym biełarusam.
Pamior u špitali Adełaidy na 85-m hodzie žyćcia, na piać hadoŭ pieražyŭšy svaju žonku.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary