Anhularny chiejlit (ci zapaleńnie ŭ vuhłach vusnaŭ) — davoli papularnaja prablema. Jana asabliva časta sustrakajecca ŭ dziaciej i pažyłych ludziej i ŭ vyniku moža pryvieści da źjaŭleńnia balučych treščynak na vusnach. Tłumačym, jak z hetym zmahacca.
Anhularny chiejlit utvarajecca, kali ślina skoplivajecca na krajach rota. Jana parušaje abarončyja barjery skury i ŭ vyniku skura vysušvajecca. Heta moža spryjać utvarenńniu treščynak i navat źjaŭleńniu druhasnaj infiekcyi, čaściej za ŭsio hrybka, tłumačyć The Times.
Sustrakajucca i inšyja pryčyny chiejlitu. Siarod ich moža być ekzema, našeńnie maski dla tvaru i navat niedachop vitaminu V. Čaściej za ŭsio chvaroba raźvivajecca ŭ chałodny čas hodu i pad upłyvam centralnaha aciapleńnia, ale ž možna zaŭvažyć u siabie chiejlit i letam.
Zvyčajna lačeńnie anhularnaha chiejlitu zaležyć ad pryčyny suchaści skury, ale moža ŭklučać vykarystańnie miascovych antybijotykaŭ i supraćhrybkovych lekaŭ, jakija časam spałučajuć sa steroidami. Simptomy źnikajuć prykładna praz tydzień paśla pačatku lačeńnia. Mohuć dapamahčy uvilhatniajučyja mazi i kremy dla skury, a taksama źmiakčajučyja balzamy dla vusnaŭ, asabliva ŭ chałodnaje nadvorje,
Kab źnizić ryzyku chiejlitu, varta pić šmat vady i prytrymlivacca zdarovaj dyjety, bahataj na žaleza, vitaminy hrupy V i białki. Paźbiahajcie paleńnia, bo jano sušyć rot, i pierakanajciesia, što vy nie vykarystoŭvajecie kaśmietyku, u jakoj skončyŭsia termin prydatnaści. Karysna nie ablizvać vusny, asabliva ŭ chałodnaje nadvorje, i paźbiahać razdražnialnikaŭ skury: naprykład, vadkaściaŭ dla pałaskańnia rota, u skład jakich uvachodzić śpirt, ci zubnych past z vyraznymi chimičnymi dadatkami.
Kamientary