Lider Partyi BNF Alaksiej Janukievič vykazaŭ prapanovu ŭtvaryć nacyjanalnuju pravacentrysckuju kaalicyju. NN apytała palitykaŭ, jakuju nazvu mahła b atrymać novaja kaalicyja?
Novaabrany lider partyi BNF Alaksiej Janukievič vykazaŭ prapanovu stvaryć pravacentrysckuju kaalicyju nacyjanalna‑patryjatyčnych demakratyčnych siłaŭ. U składzie mahčymaj kaalicyi jon bačyć BNF, Chryścijanskuju Demakratyju, Ruch za svabodu i inšyja patryjatyčnyja arhanizacyi. Karespandent «Našaj Nivy» apytała palitykaŭ, jakuju nazvu, na ich dumku, pavinna atrymać novaja kaalicyja.
Ihar Lalkoŭ, namieśnik staršyni Partyi BNF:
Najbolš pryhožaja nazva dla takoj kaalicyi — «Patryjatyčnyja». Hetym słovam usie skazana.
Pavał Sieviaryniec, sustaršynia arhkamitetu Biełaruskaj Chryścijanskaj Demakratyi:
Nazva ničoha nie vyrašaje. Hałoŭnaje stvaryć kaalicyju, a nastupnym krokam budziem prydumlać nazvu. Ja b nazvaŭ «Bieł‑čyrvona‑biełyja» — heta jakraz toje, što my ŭsie jość.
Juraś Hubarevič, namieśnik staršyni Ruchu za Svabodu:
Ja dumaju «Ruch u Jeŭropu» možna nazvać, albo jašče lepš «Biełaruski ruch u Jeŭropu». Dumaju adzin z nakirunkaŭ pracy kaalicyi moža być Jeŭrapiejski vybar Biełarusi.
Nasta Pałažanka, siabroŭka Maładoha Frontu:
Dumaju napačatku treba padumać nad sutnaść kaalicyi, a nie nad nazvaj. Kali heta budzie prosta «pravacentryscki błok» — dla razmytych biełaruskich realijaŭ budzie narmalova.
Siaržuk Siemianiuk, siabar Moładzi BNF:
Pažadana, kab u naźvie słova pravacentrysckaja zastałosia. Tamu maja prapanova — «Pravacentrysckaja kaalicyja» ci možna praściej «Pravaja kaalicyja».
Aleś Michalevič, palityk:
Cikavaje pytańnie. Ja dumaŭ užo nad tym, jak jaje buduć nazyvać. Maja prapanova — «Zaŭtra Biełarusi».
-
U čym roźnica pamiž Trampam u Iranie i Pucinym va Ukrainie
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
Kamientary