Palitźniavolenamu Andreju Pačobutu nie pieradajuć listy ad syna, bo jany na polskaj movie
Pavodle žonki Andreja, Aksany Pačobut, cenzuru nie prachodziać, pierš za ŭsio, listy ad Jaraka — 12-hadovaha syna žurnalista, jaki piša baćku na polskaj movie, paviedamlaje «Polskaje radyjo».
«Jon nie prajšoŭ cenzuru» — z takoj infarmacyjaj viarnuŭsia list, u jakim syn apisaŭ kaniec navučalnaha hoda.
Aksana Pačobut padkreśliła, što listy, jakija Pačobut pisaŭ synu, taksama padviarhalisia biaźlitasnaj cenzury ŭ turmie: «Jamu viarnuli try listy, napisanyja pa-polsku Jaraku. Vidać, tak jamu pakazvajuć, jak u Biełarusi zmahajucca z palakami, navat kali jany siadziać u turmie».
Adznačym, što ŭ praviłach unutranaha rasparadku śledčych izalataraŭ kryminalna-vykanaŭčaj sistemy Ministerstva ŭnutranych spraŭ Biełarusi nie prapisana, na jakoj movie možna ci nielha pisać listy źniavolennym.
Andrej Pačobut — žurnalist, aktyvist Sajuza palakaŭ u Biełarusi. Z 2006 hoda — karespandent bujnoha polskaha vydańnia «Gazeta Wyborcza» ŭ Biełarusi.
Za hramadska-palityčnuju i žurnalisckuju dziejnaść Andreja Pačobuta nieadnarazova zatrymlivali, karali štrafami, aryštami.
Apošni raz žurnalist byŭ zatrymany 25 sakavika 2021 hoda ŭ svaim domie ŭ Hrodnie paśla pieratrusu. Pačobuta abvinavačvajuć pavodle art. 130 KK RB — «Raspalvańnie varožaści».
Pravaabaroncy pryznali Pačobuta palitviaźniem.
Ciapier napisać list Andreju možna na adras: SIZA № 1, vuł. Vaładarskaha, d. 2, 220030, h. Minsk.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1313
Kamientary