Udzielnik Uimbłdona zabyŭ pierad matčam rakietku. Zaŭvažyŭ heta tolki na korcie
Pierad matčam druhoha raŭnda Uimbłdona, jaki prajšoŭ 29 červienia, zdaryłasia davoli niezvyčajnaja situacyja. 24-hadovy francuz Uha Umbier, jaki hulaŭ z 23-hadovym narviežcam Kaśpieram Ruŭdam, zabyŭ, što jamu treba dla matču.
U chłopca vylecieła z hałavy, što na tenisnym korcie jamu spatrebicca rakietka. Vierahodna, spartsmien navat nie ŭjaŭlaŭ, što ŭ jaho sumcy niama rakietak i zrazumieŭ heta, tolki kali pačałasia raźminka, piša onet.pl.
Ale ž Umbieru paščaściła. Vierahodna, niechta ź jaho trenierskaha štaba znajšoŭ zhublenuju ekipiroŭku i pieradaŭ jaho tenisistu. Sam hulec adreahavaŭ na situacyju z uśmieškaj na tvary. Pa im było bačna, što francuz navat nie moža pavieryć u toje, što jon zabyŭ takuju važnuju dla hulni reč.
Zaŭziatary na korcie pastavilisia da situacyi z razumieńniem i, kali Umbier atrymaŭ rakietki, uznaharodzili apładysmientami taho, chto prynios ich spartsmienu. Paśla nievialikaj raźminki tenisisty prystupili da hulni, u jakoj jakraz pieramoh Umbier (6:3, 2:6, 5:7, 4:6).
Uha Umbier zajmaje 112 miesca ŭ rejtynhu ATR.
Jak 21-hadovaja polka z maleńkaha haradka ŭźlacieła na viaršyniu suśvietnaha tenisa — historyja novaj pieršaj rakietki
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi14
Kamientary