Ministru zamiežnych spraŭ Rasii Siarhieju Łaŭrovu prysvoili zvańnie hanarovaha prafiesara Biełaruskaha dziaržaŭnaha ŭniviersiteta (BDU). Pra heta abviaścili padčas jaho sustrečy sa studentami i vykładčyckim składam VNU, paviedamlaje «Zierkało».
![](http://nashaniva.com/img/w840d4webp1/photos/z_2022_07/photo_2022-07-01_12-57-37_2_-v2w46.jpg.webp)
Ministr zamiežnych spraŭ Rasii naviedaŭ BDU treci raz: z tematyčnymi lekcyjami dla studentaŭ jon vystupaŭ u 2007 i 2016 hadach. Ale siońnia rektar BDU Andrej Karol uručyŭ Siarhieju Łaŭrovu dypłom hanarovaha prafiesara.
«U siłu asablivaha vašaha asabistaha ŭkładu va ŭstanaŭleńnie biełaruska-rasijskich adnosin, va ŭmacavańnie suviaziaŭ pamiž viadučymi VNU našych krain savietam univiersiteta było pryniataje rašeńnie ab prysvajeńni vam zvańnia «hanarovy prafiesar Biełaruskaha dziaržaŭnaha univiersiteta», — padkreśliŭ Karol, źviartajučysia da Łaŭrova.
Akramia Łaŭrova, zvańnie hanarovaha prafiesara BDU, u roznyja hady atrymlivali prezident Azierbajdžana Ilcham Alijeŭ, užo były prezident Turkmienistana Hurbanhuły Bierdymuchamiedaŭ, kiraŭnik RPC patryjarch Kirył, staršynia Savieta Fiederacyi Rasii Valancina Maćvijenka.
Siarod 33 hanarovych prafiesaraŭ BDU jość i takija imiony jak Žares Ałfioraŭ, narodny paet Biełarusi Ryhor Baradulin, hieroj Ukrainy i doktar chimičnych navuk Viktar Skapienka i inšyja navukoŭcy i hramadskija dziejačy.
-
«Kali trapiŭ za kraty, siabry prosta źnikli». Spoviedź bieraściejca, jaki zastupiŭsia za dziaŭčynu pierad siłavikami i atrymaŭ 4 hady
-
Łukašenka abvinavaciŭ Zialenskaha ŭ pradažnaści i sprahnazavaŭ, što taho jak zdradnika zabjuć ukrainskija śpiecsłužby
-
«Nie pieranošu sekandaŭ». Boty pajšli ŭ ataku na sekand-chendy
Kamientary
Skazała jamu Koška.—
Kab ty byŭ razumniejšy troška
Dy rozumam raskinuć moh aviečym,
To ŭbačyŭ by, što hanarycca niečym,
Bo zasłužyŭ ty svoj dypłom
Nie hałavoj, a łbom.