Što z open-ejrami? Padborka letnich kulturnych padziej na śviežym pavietry
Siońniašnija afišy ŭ paraŭnańni z tym, jakimi jany byli da 2020 hoda, vyhladajuć kudy biadniejšymi. Toj ža «Rok za Babroŭ» pieranosicca ŭžo treci raz i sioleta znoŭ nie adbudziecca «ŭ suviazi z hieapalityčnym stanoviščam».
Letnija open-ejry, jakija dapamohuć choć nienadoŭha adciahnucca ad drennych navin, u ahladzie «Našaj Nivy».
Kupalle ŭ Sule
Na hetych vychodnych, 9 i 10 lipienia, projdzie apošni kupalski ŭikend u Sule. Usio, jak maje być, u adpaviednaści z pahanskimi tradycyjami prodkaŭ: karahody, sustreča ź piersanažami biełaruskaj mifałohii, varažba, nu i, kaniečnie, skoki praz vohnišča.
Na desiert abiacajuć etnadyskateku.
Košt kvitkoŭ: ad 15 da 25 rubloŭ.
Vulitsa Ezha ŭ Bataničnym sadzie
Fota: fejsbuk mierapryjemstva
Siomy siezon haradskoha piknika Vulitsa Ezha u samym razhary. Novaja častka festu ŭ Bataničnym sadziezapłanavanaja na 23-24 lipienia. Akramia zony z fudkortam, tavarami ad fiermieraŭ i biełaruskich dyzajnieraŭ, płanujecca vialikaja (ažno na 15 tysiač kvadratnych mietraŭ) dziciačaja zona «Mamźlot», vuličny kinateatr i vystupy muzykaŭ z dydžejami (kankretnyja imiony arhanizatary nazavuć bližej da padziei).
Košt kvitkoŭ: 15 rubloŭ (dzieciam biaspłatna).
«Naš Hrunvald» u Dudutkach
«Naš Hrunvald» u 2021 hodzie. Fota: staronka mierapryjemstva va «Ukantakcie»
U hetyja ž daty, 23-24 lipienia, anansavany adzin z samych maštabnych fiestyvalaŭ vajenna-histaryčnaj rekanstrukcyi «Naš Hrunvald». Pa tradycyi nie abydziecca biez demanstracyi buhurtaŭ (masavych bitvaŭ), konnych turniraŭ i turniraŭ łučnikaŭ, alebardystaŭ, kapiejščykaŭ. Muzyčny inhredyjent u styli fołk-rok-mietał dadaduć Pawa, «Rokaš», «Ziamla lehiend» i inšyja kalektyvy.
Kulminacyjaj mierapryjemstva stanie niepasrednaja rekanstrukcyja samoj Hrunvaldskaj bitvy.
Viva Braslav
Fota: knews.by
29-30 lipienia čakajecca spartyŭna-muzyčny fiestyval Viva Braslav. Na terytoryi malaŭničaha Nacyjanalnaha parka «Brasłaŭskija aziory» možna budzie raźmiaścicca z namiotam, charčavacca — u zonie fudkortaŭ.
Prahrama fiestyvala jašče dapaŭniajecca, ale ŭžo viadoma, što tam vystupiać dydžei Swanky Tunes & Rompasso, GAYAZOV$ BROTHER$, artysty z Rasii i Ukrainy — Mari Ferrari, Mary Krajmbriery, Jony, Shapov, Dabro, Anton Tokaraŭ, minski rok-duet TEMRA i inšyja.
Viva Braslav prachodzić z 2013 hoda, i ŭ minułym hodzie, pa adznakach arhanizataraŭ, jaho naviedała kala 30 tysiač čałaviek, tak što sumna i samotna na paŭnočnym zachadzie krainy dakładna nie budzie.
Košt kvitkoŭ: ad 45 da 990 rubloŭ (u zaležnaści ad abranaha naboru pryvilihiej i bonusaŭ).
Muzyčnyja viečary na płoščy Svabody kožnuju subotu
U svoj čas minčuki i hości stalicy vielmi palubili džazavyja viečary la Ratušy, jakija prachodzili pry padtrymcy banka «BiełVEB». A paśla — i kłasiku la ratušy z A1. Ciapier muzyčnyja viečary taksama praciahvajucca. Praŭda, užo bieź jeŭrapiejskich i amierykanskich zaprošanych džaz-bendaŭ.
Novy farmat maje vyklučna biełaruskaje načyńnie. Tak, 9 lipienia na płoščy Svabody vystupić, naprykład, chareahrafičny kalektyŭ «Charoški», 16-ha — Biełaruski muzyčny teatr, 23-ha — nacyjanalny akademičny narodny arkiestr imia I. Žynoviča i dziaržaŭny kamierny chor.
Usiu prahramu na leta možna hlanuć na sajcie Minharvykankama.
SPRAVA
Doŭhačakany fiestyval SPRAVA viartajecca paśla zacišša z 2019 hoda. U 2020-m jon nie zmoh adbycca ŭ poŭnamaštabnym vyhladzie, ale ŭsie nabytyja tady kvitki aktualnyja dla 2022 hoda.
Jechać na «Spravu» možna tolki dziela łakacyi: pryroda paŭvostrava kala vioski Biełaja Carkva ŭ Viciebskaj vobłaści nikoha nie pakidaje abyjakavym. Samy kajf — vybracca na pryrodu z namiotami adrazu na dva dni, słuchać muzyku z ranku da nočy, zajmacca johaj i jeści smačnaje na palavoj kuchni ci ŭ kropkach na fudkorcie.
Z užo viadomych udzielnikaŭ prahramy — Arkiestr «OKO», elektronny dark-etna-prajekt DAH i muzyka-šaman z Harodni tochka K.
Aktualnaja infarmacyja nakont festa budzie źjaŭlacca ŭ telehram-kanale arhanizataraŭ.
Košt kvitkoŭ: 30-70 rubloŭ
Kamientary