Jeŭrakamisija zaniałasia pytańniem pieradačy rasijskich aktyvaŭ na adnaŭleńnie Ukrainy
Jeŭrakamisija rychtuje jurydyčnuju bazu dla pieradačy zamarožanych rasijskich aktyvaŭ na adnaŭleńnie Ukrainy, zajaviła kiraŭnica JEK Ursuła fon der Lajen, vystupajučy ŭ Jeŭraparłamiencie.
«Jeŭrakamisija ličyć spraviadlivym i rychtuje pravavuju bazu, kab zamarožanyja rasijskija aktyvy i aktyvy rasijskich aliharchaŭ byli pieradadzienyja na patreby adnaŭleńnia Ukrainy», — skazała jana.
Ursuła fon der Lajen dadała, što krainy Jeŭrasajuza nie buduć čakać zaviaršeńnia kanfliktu va Ukrainie, i ES sumiesna z krainami G7 praviadzie ekśpiertnuju kanfierencyju pa losie rasijskich aktyvaŭ.
«Adnaŭleńnie zapatrabuje kałasalnych namahańniaŭ. My nikoli nie pravodzili apieracyj takoha maštabu, tamu nam pryjdziecca sabrać samyja bliskučyja rozumy dla jaje padrychtoŭki», — adznačyła kiraŭnica JEK.
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami4
Kamientary