Kuleba pra vyvaz ukrainskaha zbožža praź Biełaruś: Nikomu nie chaciełasia mieć spravy ź Minskam
Ministr zamiežnych spraŭ Ukrainy Dźmitryj Kuleba ŭ intervju «Forbs Ukraina» raskazaŭ, ci razhladaŭsia varyjant vyvazu praź Biełaruś ukrainskaha zbožža.
«Va Ukrainu ź Biełarusi laciać rakiety. Biełaruski maršrut razhladaŭsia nami i sajuźnikami vyklučna jak šlach apošniaj nadziei, kali ništo inšaje nie spracuje. Nikomu nie chaciełasia supracoŭničać ź Minskam, jaki źjaŭlajecca saŭdzielnikam ahresii, ni pa jakich handlovych pytańniach. Ale vielmi dobra papracavali łahisty i pryvatnyja inviestary (trejdary pa sutnaści) u płanie pašyreńnia mahčymaściaŭ naziemnych šlachoŭ praz krainy ES, pajšoŭ prahres u pieramovach pa marskim šlachu, tamu varyjant avaryjnaha biełaruskaha šlachu bolš nie na paradku dnia».
Kuleba dadaŭ, što Biełaruś źjaŭlajecca saŭdzielnicaj ahresii, nichto nie stavić hetaje pytańnie pad sumnieŭ.
«Dypłamatyčnyja adnosiny z Rasijskaj Fiederacyjaj my razarvali adrazu paśla pačatku poŭnamaštabnaha napadu. Taksama jany buduć razarvanyja ź Biełaruśsiu, kali ŭzbrojenyja siły Respubliki Biełaruś pierasiakuć miažu Ukrainy», — skazaŭ Kuleba.
Kamientary