Zhodna ź viersijaj abvinavačvańnia, u lutym 2022 hoda z mabilnaha telefona Alaksiej Hryckievič «padrychtavaŭ i raźmiaściŭ u destruktyŭnym Telegram-čacie paviedamleńni, u jakich publična abraziŭ kiraŭnika dziaržavy». Jon ža ŭ sakaviku 2022 hoda ŭ telehram-čacie apublikavaŭ videapaviedamleńnie, u jakim zaklikaŭ da hvałtoŭnych dziejańniaŭ u dačynieńni da hrupy asob, abjadnanych pa prykmietach nacyjanalnaj i sacyjalnaj prynaležnaści.
Viadoma, što Alaksieja zatrymali 6 sakavika — supracoŭniki SACHRa vyłamali dźviery ŭ kvateru. 28 červienia — miesiac tamu — KDB unios Hryckieviča ŭ śpis asobaŭ, datyčnych da terarystyčnaj dziejnaści.
Na sudzie Alaksiej vinu nie pryznaŭ.
U vyniku prakuratura Minskaj vobłaści na padstavie č. 1 art. 368 i č. 1 art. 130 Kryminalnaha kodeksa zaprasiła pakarańnie ŭ vyhladzie pazbaŭleńnia voli na termin dva hady z adbyvańniem u papraŭčaj kałonii va ŭmovach ahulnaha režymu. Mienavita taki prysud vyniesła sudździa Alena Miśnik.