Amal 600 biełarusaŭ za paŭhoda byli asudžanyja na hramadskija raboty. U 2021-m takich było tolki 20
Sioleta za pieršaje paŭhodździe da hramadskich rabot u Biełarusi byli asudžanyja amal 600 čałaviek. Takuju ličbu ŭ intervju partału rravo.by nazvaŭ sudździa Viarchoŭnaha suda Edhar Marcirasian.
«U 2021 hodzie hetamu spahnańniu było padvierhnuta tolki 20 čałaviek. Heta było źviazana z tym, što miascovym orhanam ułady spatrebiŭsia niejki čas, kab paŭnavartasna arhanizavać svaju pracu ŭ hetym kirunku. U vyniku za pieršuju pałovu 2022 hoda hramadskija pracy byli ŭžytyja sudami ŭ dačynieńni da amal 600 čałaviek, a fakty ŭchileńnia ad jaho vykanańnia nosiać na siońnia adzinkavy charaktar», — zajaviŭ sudździa.
Čaściej za ŭsio hetaje pakarańnie pryznačali za hrubyja pravaparušeńni: drobny kradziež, chatni hvałt i źjaŭleńnie ŭ hramadskim miescy ŭ stanie ałkaholnaha apjanieńnia.
Hramadskija raboty jak vida pakarańnia ŭ Biełarusi uviedzienyja bolš za hod tamu. Jany mohuć prymianiacca sudom tolki pry zhodzie samoha pravaparušalnika. A ŭ vypadku ŭchileńnia pravaparušalnika ad vykanańnia hramadskich rabot zakon praduhledžvaje dla jaho štraf u značnaj sumie abo administracyjny aryšt.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary