Амаль 600 беларусаў за паўгода былі асуджаныя на грамадскія работы. У 2021-м такіх было толькі 20
Сёлета за першае паўгоддзе да грамадскіх работ у Беларусі былі асуджаныя амаль 600 чалавек. Такую лічбу ў інтэрв'ю парталу рravo.by назваў суддзя Вярхоўнага суда Эдгар Марцірасян.
«У 2021 годзе гэтаму спагнанню было падвергнута толькі 20 чалавек. Гэта было звязана з тым, што мясцовым органам улады спатрэбіўся нейкі час, каб паўнавартасна арганізаваць сваю працу ў гэтым кірунку. У выніку за першую палову 2022 года грамадскія працы былі ўжытыя судамі ў дачыненні да амаль 600 чалавек, а факты ўхілення ад яго выканання носяць на сёння адзінкавы характар», — заявіў суддзя.
Часцей за ўсё гэтае пакаранне прызначалі за грубыя правапарушэнні: дробны крадзеж, хатні гвалт і з'яўленне ў грамадскім месцы ў стане алкагольнага ап'янення.
Грамадскія работы як віда пакарання ў Беларусі уведзеныя больш за год таму. Яны могуць прымяняцца судом толькі пры згодзе самога правапарушальніка. А ў выпадку ўхілення правапарушальніка ад выканання грамадскіх работ закон прадугледжвае для яго штраф у значнай суме або адміністрацыйны арышт.
Цяпер чытаюць
Як у галечы співалася радня Лукашэнкі? Малавядомыя факты29
Каментары