Łukašenka: Niezaležnaść i suvierenitet nie abmiarkoŭvajecca, ale sajuz z Rasijaj moža być ciaśniejšy za fiederacyi i ŭnitarnyja dziaržavy
Suvierenitet i niezaležnaść Biełarusi — rečy pastajannyja, i heta navat nie abmiarkoŭvajecca. Pra heta Alaksandr Łukašenka zajaviŭ 1 žniŭnia pry pryniaćci kadravych rašeńniaŭ.
«Hałoŭnaje pytańnie — heta ekanomika. Heta pytańnie numar adzin. Budzie ekanomika — budzie ŭsio astatniaje. Pry hetym chaču zaŭvažyć: suvierenitet i niezaležnaść Biełarusi (pra što tak šmat havorać i padkidvajuć nam hetyja idei z Zachadu, što my ledź nie hublajem suvierenitet i niezaležnaść našaj krainy, supracoŭničajučy z Rasijaj), chaču prama skazać vam jak budučamu pradstaŭniku nie tolki prezidenta našaj krainy ŭ Rasii, — rečy pastajannyja. Heta navat nie abmiarkoŭvajecca», — padkreśliŭ Alaksandr Łukašenka, pryznačajučy namieśnika kiraŭnika Administracyi prezidenta Dźmitryja Krutoha pasłom Biełarusi ŭ Rasii.
Łukašenka razam z tym adznačyŭ, što Biełaruś i Rasija mohuć vybudavać najciaśniejšy sajuz, pry hetym zachavaŭšy svaje suvierenitet i niezaležnaść. «My dosyć razumnyja ludzi. I ŭ Rasii prezident absalutna razumny i razumieje, u jakim kirunku my pavinny ruchacca. Tamu, zachoŭvajučy niezaležnaść Rasii i Biełarusi, my zmožam vybudavać taki sajuz, jakomu mohuć pazajzdrościć i fiederalnyja, i kanfiederatyŭnyja dziaržavy, i, moža, navat unitarnyja dziaržavy», — cytuje słovy Łukašenki jaho pres-słužba.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary