Лукашэнка: Незалежнасць і суверэнітэт не абмяркоўваецца, але саюз з Расіяй можа быць цяснейшы за федэрацыі і ўнітарныя дзяржавы
Суверэнітэт і незалежнасць Беларусі — рэчы пастаянныя, і гэта нават не абмяркоўваецца. Пра гэта Аляксандр Лукашэнка заявіў 1 жніўня пры прыняцці кадравых рашэнняў.
«Галоўнае пытанне — гэта эканоміка. Гэта пытанне нумар адзін. Будзе эканоміка — будзе ўсё астатняе. Пры гэтым хачу заўважыць: суверэнітэт і незалежнасць Беларусі (пра што так шмат гавораць і падкідваюць нам гэтыя ідэі з Захаду, што мы ледзь не губляем суверэнітэт і незалежнасць нашай краіны, супрацоўнічаючы з Расіяй), хачу прама сказаць вам як будучаму прадстаўніку не толькі прэзідэнта нашай краіны ў Расіі, — рэчы пастаянныя. Гэта нават не абмяркоўваецца», — падкрэсліў Аляксандр Лукашэнка, прызначаючы намесніка кіраўніка Адміністрацыі прэзідэнта Дзмітрыя Крутога паслом Беларусі ў Расіі.
Лукашэнка разам з тым адзначыў, што Беларусь і Расія могуць выбудаваць найцяснейшы саюз, пры гэтым захаваўшы свае суверэнітэт і незалежнасць. «Мы досыць разумныя людзі. І ў Расіі прэзідэнт абсалютна разумны і разумее, у якім кірунку мы павінны рухацца. Таму, захоўваючы незалежнасць Расіі і Беларусі, мы зможам выбудаваць такі саюз, якому могуць пазайздросціць і федэральныя, і канфедэратыўныя дзяржавы, і, можа, нават унітарныя дзяржавы», — цытуе словы Лукашэнкі яго прэс-служба.
Загінуў беларускі добраахвотнік Васіль «Дзір» Рапіцкі11
Каментары