U dačynieńni da 74‑hadovaha haradzienca zaviedzienaja kryminalnaja sprava.
Milicyja praciahvaje praviarać datyčnaść hrodzienskaha piensijaniera da vybuchu 3 lipienia 2008 h. u Minsku
U dačynieńni 74‑hadovaha haradzienca zaviedzienaja kryminalnaja sprava pavodle č.2 art. 295 «Niezakonnyja dziejańni ŭ dačynieńni zbroi, bojeprypasaŭ i vybuchovych rečyvaŭ», paviedamlaje BiełaPAN.
Zaraz prapracoŭvajucca roznyja viersii, u tym liku i na datyčnaść mužčyny da vybuchu 3 lipienia ŭ Minsku.
Piensijanieru pahražaje termin da 7 hadoŭ pazbaŭleńnia voli.
Nahadajem, 15 vieraśnia supracoŭniki Upraŭleńnia pa baraćbie z arhanizavanaj złačynnaściu pa Hrodzienskaj vobłaści sumiesna z kalehami ź inšych apieratyŭnych słužbaŭ znajšli samy bujny za apošnija hady arsienał zbroi. Jana zachoŭvałasia ŭ kvatery 74‑hadovaha piensijaniera, žychara Hrodna.
Apieratyŭniki cełych piać hadzin kanfiskoŭvali i apisvali schavanuju ŭ kvatery zbroju, a ŭvieś arsienał ledź źmiaściŭsia na padłozie ŭ vialikim pakoi.
U pratakoł kanfiskacyi patrapili tratyłavyja šaški i vybuchoŭka ahulnaj vahoj bolš za 3,5 kh, samarobnyja vybuchovyja pryłady, bajavaja hranata, aptyčny pryceł dla vintoŭki i inš. Pieratrus pravodziŭsia ŭ miežach rasśledavańnia kryminalnaj spravy pavodle faktu vybuchu ŭ Minsku ŭ noč z 3 na 4 lipienia 2008 h.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ18
Kamientary