Były siłavik Ihar Makar pretenduje na biełaruskaha Stetchema FOTAFAKT
Na kanfierencyi «Novaja Biełaruś» u Vilni palityki i aktyvisty sabralisia, kab abmierkavać, jak dziejničać dalej. Siarod prysutnych byŭ zaŭvažany i eks-siłavik Ihar Makar. Źviartaje ŭvahu jaho ampłua hieroja bajevikoŭ.
Takim Ihar Makar źjaviŭsia ŭ pieršy dzień — ciomny kaścium i akulary-avijatary.
A heta vobraz druhoha dnia kanfierencyi — załaty hadzińnik i bardovy halštuk.
Ihar Makar siońnia zadavaŭ pytańnie Cichanoŭskaj: ci mahčyma stvaryć niezaležnuju kamisiju, jakaja budzie bolš pahłyblena zajmacca temaj vyzvaleńnia palitviaźniaŭ? Naprykład, zaprasić pradstaŭnikoŭ dyjaspary, kab bolš pilny kantrol za finansami pa hetaj temie byŭ?
«Ja viedaju, jak vyzvalić palitviaźniaŭ. Heta nie sto pracentaŭ harantyja, ale mahčymaść jość. Vy viedajecie, što Volha Takarčuk vyjšła na dva miesiacy raniej za termin…»
«Heta vaša praca?» — udakładniła Cichanoŭskaja.
«Nie kažu, što maja, prynamsi tut nie mahu havaryć», — adkazaŭ Makar.
Jon paprasiŭ dazvolić temaj palitviaźniaŭ zajmacca niejkamu fondu i zhadaŭ, što ŭ jaho, naprykład, taksama jość fond.
«Ihar, nu ŭ nas niama paniaćcia «dazvoliła». Kali inicyjatyva pracoŭnaja, my možam dapamahčy tolki pryciahvać tudy ludziej», — skazała Cichanoŭskaja.
Kamientary
I tožie ahientom rabotał
Sovpadienije?
Nie dumaju!