Sukienka Karač i kiepka Prakopjeva: jak vyhladali ŭdzielniki kanfierencyi «Novaja Biełaruś»
8 i 9 žniŭnia ŭ Vilni prachodzić kanfierencyja «Novaja Biełaruś», jakaja sabrała biełaruskich palitykaŭ i aktyvistaŭ, što vystupajuć za pieramieny. «Naša Niva» źviarnuła ŭvahu na styl udzielnikaŭ i haściej mierapryjemstva.
Kanfierencyja pačałasia z vystupu Śviatłany Cichanoŭskaj, jakaja vybrała błakitny kaścium.
Vieranika Capkała taksama ŭ kaściumie, ale biełaha koleru. I ź bieł-čyrvona-biełym manikiuram.
Bolšaść mužčyn tradycyjna była ŭ dziełavych strojach: Pavieł Łatuška, Anatol Labiedźka, Uładzimir Astapienka i inšyja.
Anatol Labiedźka
Niekatoryja razbaŭlali dziełavy styl krasoŭkami, jak pradstaŭnik Bajpoł Alaksandr Azaraŭ (u centry).
Vadzim Prakopjeŭ, jaki ciapier pamočnik kamandzira pałka «Pahonia», zaŭsiody ŭmieŭ adziavacca pa situacyi. Čas jarkich błejzieraŭ i darahich hadzińnikaŭ zastaŭsia ŭ minułym. Ciapier Prakopjeŭ pajšoŭ pa šlachu Zialenskaha: vopratka koleraŭ chaki i kiepka padkreślivajuć, što pierad vami čałaviek, jaki pryjechaŭ z vajny, i adrazu vyłučajuć Vadzima siarod «cyvilnych» u pinžakach. Chitra, ale ci darečna?
U vajskovym byŭ błohier Siarhiej Biaspałaŭ.
A doktar Dźmitryj Ščyhielski (druhi sprava) pryjšoŭ prosta ŭ džynsach i kašuli:
Volha Karač pryjšła ŭ sukiency z kocikami i biełym pinžaku ŭ styli kežuał:
Viadučaja anłajn-tranślacyi Kaciaryna Rajeckaja vybrała dla mierapryjemstva pinžak u bujnuju kletku. Źleva bačna Franaka Viačorku, jon u svaim tradycyjnym kaściumie z čyrvonym halštukam:
Błohier Anton Matolka vybraŭ cišotku-poła ŭ pastelnym tonie.
Žurnalistki Volha Čekułajeva i Jaŭhienija Suhak (hałoŭnaja redaktarka biełaruskaha The Village) u biełych kašulach:
Ivan Kraŭcoŭ, čalec kamandy Babaryki, vybraŭ dla mierapryjemstva styl kežuał.
Zamiest pinžaka ŭ jaho kurtka italjanskaha brenda Stone Island, jakaja kaštuje daražej za niekatoryja kaściumy (kali heta nie padrobka). Ceny na kurtki hetaha brenda pačynajucca niedzie ad 400 dalaraŭ, mnohija madeli kaštujuć bolš za tysiaču.
Baskietbalistka Kaciaryna Snycina abrała tematyčnuju majku i kułon u formie konturaŭ Biełarusi.
A śpiavačka Marharyta Laŭčuk — biełuju sukienku z vyšyŭkaj.
Kamientary
A tut vsie nieformalno, svobodno