Rasija kuplaje miljony artyleryjskich snaradaŭ i rakiet u KNDR, što źjaŭlajecca prykmietaj taho, što hłabalnyja sankcyi surjozna abmiežavali jaje łancužki pastavak i vymusili Maskvu źviarnucca za vajskovymi pastaŭkami da krain-izhojaŭ, piša New York Times.
Raskryćcio infarmacyi amierykanskaj raźviedki adbyłosia praź niekalki dzion paśla taho, jak Rasija atrymała pieršyja partyi bieśpiłotnikaŭ iranskaj vytvorčaści, niekatoryja ź jakich, pa słovach amierykanskich aficyjnych asob, mieli miechaničnyja prablemy.
Pradstaŭniki ŭrada ZŠA zajavili, što rašeńnie Rasii źviarnucca da Irana, a ciapier i da Paŭnočnaj Karei, było prykmietaj taho, što sankcyi i ekspartny kantrol, uviedzienyja Złučanymi Štatami i Jeŭropaj, pieraškadžajuć Maskvie atrymlivać pradukty dla svajoj armii.
Złučanyja Štaty dali mała padrabiaznaściaŭ z rassakrečanych raźviedvalnych danych ab uzbrajeńni, terminach abo pamiery partyi. Aficyjny pradstaŭnik ZŠA zajaviŭ, što, akramia rakiet małoj dalokaści i artyleryjskich snaradaŭ, Rasija pasprabuje zakupić dadatkovaje paŭnočnakarejskaje abstalavańnie ŭ budučyni.
«Kreml pavinien być ustryvožany tym, što jamu naohuł davodzicca što-niebudź kuplać u Paŭnočnaj Karei», — skazaŭ Mejsan Kłark, jaki ŭznačalvaje rasijskuju hrupu ŭ Instytucie vyvučeńnia vajny.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?8
Kamientary
SK tut vierojatniej vsieho prokładka, a žielezo kitajskoje.
Skoro budiet mnoha haza. Tožie karačo. T.k. słovo MNOHA nie možiet byť płochim.
Na bumažkach u nich i vojny niet.
A vinovato vo vsiem sša. Nu v obŝiem vy v kursie.